Page 219 - Pure Life 02

151/ PURE LIFE, Vol.1.No.2, (Ramadan Mubarak 1436. Tir 1394. July. 2015)

ƏHDİ-ƏTİQDƏ VƏHY
Yəhudilərin əksəriyyəti, ümumiyyətlə, təkcə Tövratı deyil, Əhdi-ətiqi
bütünlüklə vəhy məhsulu və Allahın kəlamı kimi təqdim edir. "Bu
1
xəbərdarlıq İsrail barədə nazil olan Rəbbin sözüdür."
Əhdi-ətiqdə ilham və vəhyin nazil olması əksər hallarda Allahın
ruhunun insan bədəninə nazil olması və oturması" kimi qeyd edilir.
2
"Rəbbin Ruhu üzərimə endi və mənə dedi: «Söylə ki, Rəbb belə deyir:…"
"Ordular Rəbbinin Öz Ruhu ilə əvvəlki peyğəmbərlər vasitəsilə göndərdiyi
qanunu və nəsihətləri eşitməmək üçün ürəklərini almaz kimi
3
sərtləşdirdilər. Buna görə də Ordular Rəbbi onlara çox qəzəbləndi."
Allahın ruhu da hər kimin üzərinə nazil olarsa, o, dəyişər və nəbi
(peyğəmbər) olar. Belə ki, Şaul Davudu gətirmək üçün oraya adamlar
göndərdiyi zaman, onlar Şamuelin başçılığı altında peyğəmbərlər
dəstəsinin peyğəmbərlik etdiyini gördülər. Onda bu adamların da üstünə
Allahın Ruhu enir və onlar da peyğəmbərlik etməyə başlayırlar. Bunu
Şaula xəbər verdikləri vaxt, o başqa adamlar göndərir və onlar da
peyğəmbərlik edirlər. Şaul üçüncü dəfə yenə adamlar göndərir, onlar da
peyğəmbərlik edirlər. Bütün bunların hamısı, Allahın ruhunun onların
4
üzərinə enməsilə baş verir.
Əhdi-ətiqə görə, bəzən Allahın ruhu (vəhy və peyğəmbərlik) bir
şəxsdən alınaraq, başqasına əta edilir. Bu kitabda nəql edilir ki, Kenaana,
oğlu Sidqiya yaxınlaşdığı zaman, Mikeyanın yanağına vurub Allahın
5
Ruhunun (vəhyinin) peyğəmbərlik etməsi üçün ona keçdiyini söyləyir.
Bəzən ilahi vəhy peyğəmbərlik üçün hazırlaşdırmaq qəsdilə yeniyetməyə
də verilir. Yeremya peyğəmbərə vəhy nazil olduğu zaman, o, Allah cavan
olduğunu, danışıq qabiliyyətinə malik olmadığını deyir. Cavabında isə, ilahi
6
yardımı ilə peyğəmbərlik vəzifəsinə başlamağına əmr edilir.

1. Zəkəriyya, 12:1; 9:1
2. Hezegel, 11:5
3. Zəkəriyya, 7:12 Nehemya, 9:206; Mikeya, 3:8; Yoel, 2:28
4. Şamuel, 19:20-24
5. Padşahlar (1) 22:24
6. Yermiya, 1:6-7