Page 100 - Islamic Studies 02

98) / İSLAM ARAŞDIRMALARI JURNALI, İkinci. İl, İkinci. Buraxılış (Bahar-Yay/2022)

Bəşər, insani keyfiyyətləri qazanmaq və onu ömur yolunda
düzgün istifadə etməsi üçün yeganə yol, ilk öncə Yaradanını
tanımalıdır. Sonra Axirət dünyasını. Bu iki anlayış haqqında
düzgün məlumat alan insan, daha rahat yolla Allaha yaxınlaşa
və əbədi səadətə qovuşa bilər. “ Biz cinn və insanları Bizə
1
ibadət etməsi üçün yaratdıq. ” ayəsi buna bir dəlildir. Bu
yalnız ibadət və itaət yolu ilə mümkündür.

İnsan ibadət etmək üçün öncə öz məbudunu tanımalıdır.
Allahın varlığını düzgün şəkildə tanımaq, həqiqəti düzgün
tanımaq deməkdir. Bütün bəşəriyyət Allahın varlığına
inandığı halda onu başqa şəkildə qəbul edirlər və sonda səhv
nəticə və ya şübhələrlə üz-üzə gəlirlər. Allahın varlığı onun
məxluqatla əlaqəsi zəminində sübut olunur. Belə ki, Yaradılış
aləmi, Allahın nişanə və əlamətlərinin daşıyıcısıdır.
Həmçinin dünyada var olan nizam və baş verən hər bir hadisə
Onun iradəsinin simvoludur.
Ümumi olaraq götürdüyümüzdə, Allahın insan və varlıq
aləminin bir birini tamamladığını, bir biri ilə əlaqədar
olduğunu görəcəyik. Varlıq aləmi özlüyündə iki hissəyə
bölünür: insan və dünya. Buna görə ayələr və Əhl-beyt
rəvayətlərində insanın dünyanın digər varlıqlarından fərqli
xəlq olunduğu vurğulanır. Allah insanı özünün xəlifəsi,
məxluqatın ən şərəflisi adlandırmışdır.
İnsan Allahın əmanətinə sahib çıxacaq yeganə məxluqdur.
İmam Sadiq əleyhis-səlam buyurur: “Allah insanları Onu
tanımaqları üçün yaradıb. Çünki Allahı tanımaq ibadət və
bəndəliyə aparıb çıxardır. Allahın bəndəsi olan insan isə bütün
məxluqatdan ehtiyacsız olduğunu hiss edər və yalnız Allaha
sığınar və Allahla bütün ehtiyacını qarşılayar. ” 1

1 - Zariat surəsi, ayə 56