Page 248 - Islamic Studies 02

246) / İSLAM ARAŞDIRMALARI JURNALI, İkinci. İl, İkinci. Buraxılış (Bahar-Yay/2022)

Nizam-intizamı pozmaz və qanunlara riayət edər
Hansısa bir məntəqədə fəaliyyət göstərən ruhani, kor-koranə
öz istəklərinə “Allahın razılığı” ünvanını qoyub, qanunlara
tabe olmamağa və hərc-mərclik yaratmağa haqqı yoxdur.
Qanun bir cəmiyyət tərəfindən qəbul edilibsə, ona riayət etmək
lazımdır. Əgər kiminsə haqqı pozulursa, buna münaqişə və
hərc-mərclik yaradaraq deyil, müasir və qanuni yollarla

reaksiya vermək lazımdır. Çünki qanunsuzluq, hər halda
pisdir. Xaos yaratmaq, cəmiyyətdə özbaşınalığa yol aça bilər.
Amma qanuna qarşı qanunla mücadilə etmək isə, əksinə daha
düzgün qanunun tapılmasına şərait yaradır.

Təvazökardır
Qurani-Kərim buyurur: "Yer üzündə təkəbbürlə gəzib
dolaşma. Çünki sən nə yeri yara bilər, nə də (əzəmətdə)
1
yüksəlib dağlara çata bilərsən."
Təvazökarlıq imanın ayrılmaz bir hissəsi olaraq, insana
mənəvi ucalıq bəxş etməkdən əlavə, İlahi rəhmətini cəlb edər,
insanların qəlbini ovsunlayar. Buna görə ki, gözəllik gözəllik
çağırar, təvazökarlıq könüllərdəki paklığı oyadar.
İmam Kazim (ə) buyurur: "Həqiqətən, əkin daş üzərində deyil,
yumşaq torpaqda əmələ gələr. Hikmət də belədir, təvazökar
qəlblərdə abad olar, özündənrazı və təkəbbürlü qəlbdə isə
yetişməz. Çünki Allah təvazökarlığı ağıl üçün bir vasitə
2
qoyub."
Qurani-kərimdə ilahi dinini insanlara yayan Peyğəmbərə (s)
buyurulur: "Sənə tabe olan möminləri (təvazökarlıqla
3
məhəbbət) qanadının altına al!"

1 - İsra\37
2 - Biharül-ənvar, c. 78, səh. 312
3 - Şuəra\215