Page 26 - Islamic Studies 02
P. 26

24) / İSLAM ARAŞDIRMALARI JURNALI, İkinci. İl, İkinci. Buraxılış (Bahar-Yay/2022)

                     Uca Allah əqlə, qulağa, dilə malik olub real gerçəkliklərin,
               həqiqətlərin  tanınmasında  onlardan  istifadə  etməyən  şəxsləri
               heyvanlarla  bir  cərgədə,  hətta  onlardan  da  alçaq  səviyyədə
               təqdim  edir.  Çünki  onlar  öz  əql  qüvvələrindən  istifadə
               etmirlər.
                “Allah  çirkinliyi  o  kəslərə  aid  edər  ki,  əql  qüvvəsini
               işlətmirlər”. 1

                 İnsanın malik olduğu bütün yaxşılıqlar onun əqli tərəfindədir.
               Əql vasitəsilə Allahı tanıyır, Ona ibadət edir, məadı qəbul edir
               və onun üçün hazırlaşır, peyğəmbərlərin (ə.s) haqq olduğunu
               qəbul edir və onlara itaət edir, gözəl əxlaqi səciyyələri tanıyıb,
               özünü  onlar  əsasında  tərbiyələndirir,  çirkin  xüsusiyyətləri,
               rəzillikləri tanıyır və onlardan üzaq olur. Buna görə də Quran
               və hədislərdə əql böyük məqama layiq görülür. Nümunə üçün:
                  Həzrəti  İmam  Musa  ibni  Cəfər  (ə.s)  buyurur:  “Hər  kəsin
               mürüvvəti  olmasa  nuru  yoxdur.  Hər  kəsin  əqli  olmasa
               mürüvvəti yoxdur. İnsanların ən dəyərlisi o kəsdir ki, dünyanı
               öz  nəfsinin  dəyəri  bilməsin.  Bilin  ki,  sizin  bədənlərinizin
               qiyməti cənnətdən başqa bir şey olmaz. Onu cənnətdən başqa
               bir şey müqabilində satmayın”.     2
                   Həzrəti imam Cəfər Sadiq (ə.s) buyurur: “Əql möminin yol
               göstərənidir”.  3
                  Yenə  həzrət  (ə.s)  belə  buyurur:  “Əql  o  şeydir  ki,  onun
               vasitəsilə Allaha ibadət edilir və behişt kəsb olunur”.    4
                   Həzrəti İmam Musa ibni Cəfər (ə.s.) buyurur: “Əql sahibləri
               nəinki günahları, hətta dünyanın artıq işlərini belə tərk edirlər.
               Halbuki  dünyanı  tərk  etmək  fəzilət,  günahı  tərk  etmək  isə
               vacibdir”. 5

               1Yunus, 100.
               2Kafi, c.1, səh. 19.
               3Kafi, c.1, səh. 25.
               4Kafi, c. 1, səh. 11.
               5Kafi, c.1, səh. 17.
   21   22   23   24   25   26   27   28   29   30   31