Page 161 - Islamic Studies 03

160) / İSLAM ARAŞDIRMALARI JURNALI, İkinci il, Üçüncü buraxılış (payız-qış /2023)

dininin qanunlarının insanlara çətinlik yaratmaq məqsədi ilə
yox, əslində yüngül və rahat yaşamaları, eyni zamanda düz
yola yönəlmələri üçün vacib edildiyi bildirilir. Yəni islamdakı
qanunlar əslindəı insanların pak fitrəti ilə uyğundur və bu
qanunlara riayət etməklə insanlar doğru yola hidayət olurlar.

Əxlaqa aid olan ayə və hədislər

Əxlaq dedikdə gözəl davranış nəzərdə tutulur. Heç bir ilahi
dində yanlış və kobud davranışa qarşı müsbət baxılmadığı
kimi, islam dinində də kobudluq mənfi qarşılanır. İslam dini
gözəl davranışa çox önəm verir və əslində bu dinin ən önəmli
hədəflərindən biri, gözəl davranış tərzini insanlara
çatdırmaqdan ibarətdir. Ona görə də bütün ilahi dinlərdə
başqalarına qarşı yaxşı rəftar etmək tövsiyə olunduğu kimi,
islam dini də bu mövzudan yan keçməyib.

Əgər insan başqasının qəlbinə dəyib, ona qarşı laqeyd
yanaşsa, günah işlədər və sonunda öz imanını korlamış olar.

Gözəl davranış haqqında həm Quranda, həmdə hədislərdə bir
çox ibrətli cümlələr mövcuddur.

Quranda əxlaqa aid olan bəzi ayələri diqqətinizə çatdırırıq:

Yaxşılıqla pislik eyni ola bilməz! Sən (pisliyi) yaxşılıqla dəf
et! Belə olduqda aranızda düşmənçilik olan şəxsi, sanki yaxın
bir dost görərsən! Bu (xislət) yalnız səbr edənlərə verilir və
1
yalnız böyük qismət (savab, fəzilət) sahiblərinə əta olunur!
Ayədə açıq şəkildə bildirilir ki, yaxşılıq ilə pislik eyni olan
bilməz. Yəni gözəl davranış ilə pis davranış eyni deyil. Bu ayə

Fussilət, 34-35. 1