Page 163 - Islamic Studies 03

162) / İSLAM ARAŞDIRMALARI JURNALI, İkinci il, Üçüncü buraxılış (payız-qış /2023)

edir ki, başqalarının əmanətinə qarşı diqqətli olaq və onları öz
sahiblərinə olduğu kimi qaytaraq. Eyni zamanda da insanlara
qarşı ədalətli olmağı əmr edir və buyurur ki, iki tərəf arasında
hökm verib, fikir söyləyən zamanı, ədalətə riayət etməliyik.

Bu ayə də öz növbəsində islam dininin əxlaqa, gözəl və
insaflı davranışa verdiyi önəmi bir daha sübut edir.

Bir qədər əvvəl qeyd etdik ki, əxlaq mövzusuna aid kifayət
qədər həm Quran ayələri, həmdə hədislər var. Əxlaqa aid bəzi
ayələr ilə tanış olduq. İndi isə bu mövzuya aid olan bəzi
hədisləri gətiririk.

Peyğəmbər (s) buyurur: Mən, əxlaqi fəzilətləri tamamlamaq
1
üçün seçilmişəm.
Peyğəmbərin (s.ə) bu hədisini oxuyan hər bir şəxs, islamdakı
əxlaqın yerini və dəyərini anlaya bilər. Çünki hədisə diqqət
etsək, görərik ki, peyğəmbər (s.ə) Allah tərəfindən
peyğəmbərliyə seçildiyinin əsas hədəfinin “Ən gözəl əxlaqı
kamil etmək üçün” olduğunu bildirir. Buda bir daha islamın
əxlaqa verdiyi dəyəri sübut edir.

Başqa bir hədisdə isə Peyğəmbər (s.ə) belə buyurur: Allah
yanında ən seviləniniz, ən əxlaqlı olanınızdır.
2

Peyğəmbərin (s.ə) bu hədisi isə Allah qatında əxlaqa verilən
dəyəri sübut edir.

İmam Əli (ə) buyurur: Əxlaq və davranışı pis olan şəxsin,
1
ruzisi də az olar.

Məkarimul-Əxlaq, c.1.səh,8. 1
Məcməul-Bəyan, c.10.səh,87. 2