Page 173 - Islamic Studies 03

172) / İSLAM ARAŞDIRMALARI JURNALI, İkinci il, Üçüncü buraxılış (payız-qış /2023)

yarana bilər və belə olduğu zaman yenə Allahı çağırmalı və
ondan kömək istəməliyik.

Peyğəmbər (s.ə) və imamlar (ə) heç bir zaman anlamsız söz
danışmaz. Ona görə də duadan başa düşülən digər bir həqiqət
də bundan ibarətdir ki, günahlara qarşı olan qəlbimizdəki
istəkləri, Allaha dua etməklə aradan aparmaq olar.

Yenə imam Səccad (ə) buyurur: İlahi! Bizi öz qisas
cəhənnəmindən xilas et. Ey o kəs ki, mərhəmət xəzinələrinin
1
sonu yoxdur.

Ümumiyyətlə əgər peyğəmbər (s.ə) və imamların hədis və
dualarına diqqət etsək, belə nəticəyə gələrik ki, onların hamısı
ilk olaraq insanlara Allahı tanıtdırmağa çalışıblar. Çünki əgər
insan Allahı tanımasa, başqa işlərin ona heç bir faydası olmaz.
Yəni əməllərin əsası Allahı tanımağa dayanır. Əgər insan
Allahı tanımasa, digər biliklər ona çoxda fayda verməz. Bunu
da unutmamalıyıq ki, Allahın varlığına inanmaq, onu tam
şəkildə tanımaq mənasında deyil. Yəni ola bilər ki, çox sayda
insan Allahın varlığına inansın, amma onu layiqincə
tanımasınlar. Ona görə də Allahın varlığına inandıqdan sonra,
ona aid olan xüsusiyyətləri də tanımaq vacibdir.

Bu baxımdan da əgər imamın (ə) duasına diqqət etsək,
görərik ki, imam (ə) bu cümlədə iki həqiqətə işarə edir və
bununla da yenə insanlara Allahı və onun bəzi xüsusiyyətlərini
tanıtdırmağa çalışır.

İlk olaraq imam (ə) insanlara cəhənnəmi xatırladır və
cəhənnəm sahibinin Allah olduğunu bildirir. Eyni zamanda da,

Səhifə Səccadiyyə, dua 5. 1