Page 95 - Islamic Studies 03

94) / İSLAM ARAŞDIRMALARI JURNALI, İkinci il, Üçüncü buraxılış (payız-qış /2023)

bir- birindən ayrılır, bəzən isə barışırdılar. Nəhayət, iki kilsə

arasında “ Böyük ayrılıq” ( The Great Schizm) adlanan
sonuncu ayrılıq 1054- cü ildə baş verdi.
1
Şübhəsiz, məzhəb ayrılıqları və parçalanmaların çoxu siyasi

amillər nəticəsində baş verir. Lakin son ayrılıqda etiqadi bir
amil mövcud olmuşdur. Katoliklər (həmçinin sonradan
meydana gəlmiş Protestan məzhəbi) öz imanlarını izhar etmək

hədəfi ilə Müqəddəs Ruhun Ata Allah və Oğul İsadan
gəldiyini bildirir və bu barədə “ və Oğul” (latın dilində
Filioque) ifadəsi işlədirlər. Lakin Ortodokslar iman qanunun

əsl ifadəsilə kifayətlənir və həmin sözü işlətmirlər. Onların
əqidəsinə görə, Müqəddəs Ruh yalnız Ata Allahdan gəlmişdir.
2
Son dövrlərdə kilsələr bir- biriləri arasında vəhdət yaratmaq

məqsədilə görüşlər keçirir, danışıqlar aparırlar.

Məzhəblər

Tarix boyunca gəlib getmiş və indi də mövcud olan dinlərin
müxtəlif məzhəb və təriqətləri olmuşdur. Xristianlıq da belə
dinlər sırasındadır. Yaranma tarixinə və yaşına görə xristianlıq
məzhəbləri bir- birindən fərqlənir.Bəzisi köhnə və qədimliyi

və bəzisi isə nisbətən təzəliyi ilə tanınır. Ardıcıllarının sayında
da fərqlilik nəzərə çarpır.
Xristianlar məzhəb və təriqəti “ Kilsə” adlandırırlar. Xristian

dinində üç böyük məzhəb və bir neçə kiçik təriqət mövcuddur.
Katolik və Ortodoks kimi bəzi məzhəblər arasında mövcud

Eyni mənbə, səh 218 1
Eyni mənbə, səh 218 2