Page 127 - Islamic Studies 04

126) / İSLAM ARAŞDIRMALARI JURNALI, Üçüncü il, Dördüncü buraxılış (Bahar-Yay/2023)

“O, göyləri və yeri var edəndir. Allah`ın necə övladı ola bilər
ki, Onun heç bir yoldaşı yoxdur. Hər şeyi O yaratmışdır. O,
1
hər şeyi biləndir!
Quranın bu məlumatı müasir elmin kəşflərinə tamamilə
uyğundur. Astrofizikanın gəldiyi yekun nəticə ondan ibarətdir
ki, Kainat özünün bütün məkan-zaman ölçüləri ilə birgə
nəhəng bir partlayış nəticəsində müəyyən bir sıfır anında

yaranıb. Böyük partlayış nəzəriyyəsi (ingilis dilində “Biq
Banq”) güman edir ki, kainat təxminən 15 milyard il əvvəl bir
nöqtədəki partlayış nəticəsində heç nədən yaranıb. Bu gün bu
nəzəriyyə alimlər arasında kainatın mövcudluğunun başlanğıcı
və yaranması haqda yeganə ümumi qəbul edilmiş gümandır.
NASA-nın 1992-ci ildə buraxdığı “COBE” peykinin xüsusilə
həssas cihazları kainata böyük partlayışdan sonra yayıldığı
güman edilən şüalanmanın qalıqlarını aşkar etdi. Bu kəşf öz
növbəsində kainatın heç nədən yaranmasının elmi izahı olan
böyük partlayış nəzəriyyəsini təsdiqlədi.
Böyük partlayışa qədər maddə adlı heç nə yox idi. Maddə,
cərəyan və zaman nə maddənin, nə cərəyanın, nə də zamanın
var olmadığı və sırf metafizik “heç nə” kimi müəyyən edilə
bilən mühitdə yaradılıb. Müasir fizikanın elan etdiyi bu böyük
həqiqəti Quran bizə 1400 il əvvəl xəbər verib.
Kainatın genişlənməsi
Qurani-kərim kainatın genişlənməsindən hələ 14 əsr əvvəl –
astronomiyanın hələ inkişaf etmədiyi bir dövrdə bu sözlərlə
bəhs edir:
“Biz göyü qüdrətimizlə yaratdıq və Biz onu
2
genişləndirməkdəyik”.

Ənam, 101. 1
2 Zariyat , 47.