Page 17 - Islamic Studies 04

16) / İSLAM ARAŞDIRMALARI JURNALI, Üçüncü il, Dördüncü buraxılış (Bahar-Yay/2023)

Yudğaniyyə və Şəzqaniyyə: İsəviyyənin qurucusunun

ölümündən sonra yerinə Yudğan keçmişdir. O, İsəviyyənin bir
sıra inanclarını mühafizə etmiş, cənnət-cəhənnəmlə bağlı dini
inancları izah etmiş və bir İsrail peyğəmbəri kimi

görünmüşdür. Bu məzhəb mənsubları Həzrət İsa və Həzrət
Muhəmmədi peyğəmbər qəbul etmələri ilə tanınırlar.

2.1. Müasir yəhudi məzhəbləri

1789-cu il Fransa inqilabının meydana gətirdiyi dəyişikliklər
yəhudi dünyasına da öz təsirini etmişdir. Yəhudilər tam
rahatlığa qovuşa bilmişlər. Yəhudiliyi çağdaş dünyanın

şərtlərinə uyğunlaşdırmaq çalışmalarından dörd müxtəlif
məzhəb ortaya çıxmışdır.

Ortodoks yəhudilik: digər məzhəblərin ayrılması
nəticəsində meydana gəlmişdir. Bu məzhəb fərisiliklə başlayan
və rəbbani yəhudiliklə davam edən ana cərəyanın
günümüzdəki əksidir. Tövrat, Talmud və digər rəbbanik

əsərlərdən əldə edilən klassik yəhudi şəriəti Halakhaya bağlı
qrupa günümüzdə ortodoks adı verilmişdir. Ortodoks yəhudilik

yazılı Tövratın Tanrı tərəfindən Həzrət Musaya yazdırıldığına
və şifahi Tövratın (Mişna, Talmud) da şifahi olaraq vəhy
edildiyinə inanır. Ortodoks inancda yəhudilərin Tövratın
qanunlarına uymadıqları üçün sürgünə göndərildiklərindən

bəhs olunur. Maymonidesin on üç maddəlik iman əsasları
ehkam kimi qəbul edilir. Ortodoks yəhudiliyə görə yəhudi
xalqı tövbə edib Tövratın bütün qaydalarına riayət edərsə