Page 222 - Islamic Studies 04

İslamda və Xristianlıqda axirətə inamın ortaq və fərqli cəhətləri/ (221

başverməsi birdən olacaq. Buna baxmayaraq Müqəddəs
kitabda onun başvermə əlamətləri vurğulanıb.1 Matta incilində
qiyamətin başvermə əlamətlərindən bunlar sadalanıb: günəşin

qaralması, ay öz işığını itirməsi, ulduzların göydən yerə
tökülməsi və yeri saxlayan güclərin lərzəyə gəlməsi. Bundan
sonra Məsih Tanrının seçdiklərini dünyanın dörd tərəfindən

yığmaq üçün göyün buludlarına minən halda gələr.2

Müqəddəs islsm dininin təlimlərinə əsasən Qiyamətin vaxtı
heç kimə məlum deyil. Yəni, qeybi hadisələrdəndir ki, onun

elmi Allahın yanındadır . Quranda da bu məsələyə çox
toxunulmuşdur. Bu haqda Quranda buyurulur:

(Ya Rəsulum!) Səndən saat (qiyamət günü) haqqında
soruşarlar ki, nə vaxt qopacaq? De: “O ancaq Rəbbimə
məlumdur. (Qiyamətin) qopacağı vaxtı Allahdan başqa heç kəs
bilə bilməz. Göylərdə və yerdə (Allahdan qeyri) bir kimsənin

onu bilməsi çətindir. O sizlərə ancaq qəflətən gələr!” Sən onun
haqqında bir şey bilirsənmiş kimi onlar (səndən) israrla

soruşarlar. De: “O ancaq Allah dərgahında məlumdur, lakin
insanların əksəriyyəti (bunu) bilməz!” (əl-Əraf surəsi\187)

Ölümdən sonrakı həyat bizə həm aydın olmadığı, həm də onun

xüsusiyyətləri maddi şeylərlə dərk olunmadığından, axirəti
yalnız Quran və hədislərdə gəlmiş xüsusiyyətlərlə tanımaq
mümkündür. Bizim axirətin dərkindəki vəziyyətimizin misalı

. Yəhuda 20: 13 - 15. 1
. Matta 24: 29 - 31 və Mark 13: 24 - 27. 2