Page 271 - Islamic Studies 05

Quranda övlad haqları (270

etdikdə uşaqlar özlərini əhəmiyyətli hesab edir və düşünüb
öz fikirlərini deməyə çalışırlar.

3. ÖVLADIN İRS HAQQI

Qurani Kərimdə irs haqqı, irs payının
bölüşdürülməsi barədə bir sıra ayələr yer almışdır.
Bunlardan biri Nisa surəsinin 11-ci ayəsidir ki, burada
övladların və valideynlərin irs haqqından danışılır.

Sözügedən ayədə Uca Tanrı buyurur: “Allah Təala sizə
övladlarınız haqqında sifariş edir ki, (mirasdan) oğlanlar
üçün iki qızın payı qədər irs düşür. Əgər sizin övladlarınızın
sayı iki qızdan artıqdırsa, mirasın üçdə iki hissəsi onlara
çatır. Və əgər varis təkcə bir qızdırsa, (mirasın) yarısı onun
payıdır. Və onun (dünyadan köçmüş şəxsin) bir övladı
olduğu təqdirdə, ata-anasının hər biri üçün mirasdan altıda
bir hissəsi veriləcəkdir. Əgər onun övladı yoxdursa və varisi
(yalnız) ata və anadan ibarətdirsə, mirasın üçdə bir hissəsi
anaya aiddir. Əgər onun (dünyadan köçmüş şəxsin)
qardaşları varsa, ananıa hissəsi altıda birdir (qalan altıda beş
hissəsi atanındır). (Bu bölgü) ölən şəxsin vəsiyyətinə əməl
etdikdən və onun borclarını ödədikdən sonra aparılır.
Ata-analarınızın və övladlarınızın hansı birinin sizin
üçün xeyirli olduğunu bilmədiyiniz üçün bu (bölgü) Allah
tərəfindən vacib edilmişdir. Allah Təala alim (hər şeyi bilən)
və hikmət sahibidir.”
İslam fitrət dinidir. Övladın vücudu valideynin
vücudunun davamı olduğundan və valideynin cismi və ruhi
xüsusiyyətləri övlada ötürüldüyündən onun var-dövləti də
övlada çatmalıdır. Vəsiyyət insanın öz haqqı olduğundan
varislərin hüququndan öndə gəlir. Xalqın haqqı varislərin