Page 296 - Islamic Studies 05

295) / İSLAM ARAŞDIRMALARI JURNALI, Üçüncü il, beşinci sayı (payız-qış / 2024)

ki, məşuqa, varlığın həqiqi mənbəyinə, Allah-taalaya

qovuşmaq yolunun yalnız Onun razılığını qazanmaq və Onun
əmrlərinə itaət etmək olduğunu deyir. Buna əsasən, məşuqa
qovuşmaq yolunu keçmək üçün onun sözlərinə, istəyini başa

düşməyə qulaq verməlidir ki, onun istədiyi şəkildə rəftar etsin,
Onun bəyənmədiyi yoldan çəkinsin. Çünki məşuqa qovuşmaq
üçün onun iradəsi və istəklərinə zidd əməllərin mənası yoxdur.

Allah-taala da Özünün xəbərlərini və istəklərini şəffaf, təhrif
olunmamış, məsum şəkildə Özünün sonuncu elçisi vasitəsilə
bəşərin ixtiyarında qoymuşdur. Bu zəmində heç bir şəkildə

şübhə və dumanlı bir nöqtə yoxdur. Buna əsasən həqiqi irfan,
həm son hədəfi, həm də bu hədəfə nail olmaq metodu həqiqi
və məsum dindən alınan irfandır. Bundan başqa hər növ irfan

yalançı irfanlar cərgəsində yer alır.

MÜASİR İNSANIN MƏNƏVİYYATA VƏ İRFANA

YÖNƏLMƏSİNİN AMİLLƏRİ
Əgər müasir zamandakı din və mənəviyatın vəziyyətinə
ötəri nəzər salsaq, öz fakt və ümumi məlumatlarımızı gözdən
keçirsək, müasir insanın nisbətən uzun fasilədən sonra yenidən

din və mənəviyyata üz tutduğunu təsdiqləyəcəyik. Müasir
əsrin insanı arasında xüsusilə də son zamanlarda belə bir
meylin varlığının isbatı üçün dəlil göstərməyə ehtiyac yoxdur.

Dünyanın hər bir guşəsində camaatın mənəvi və dini kitablara
şiddətli meyli, dünyanın müxtəlif yerlərində camaat arasında
dini və mənəvi yığıncaqlarda iştirak etməyə həvəs,

mənəviyyata istəklə, dinə maraqla bağlı söhbətlərin,
dialoqların hazırlanması bu iddianın açıq-aydın