Page 33 - Islamic Studies 05

Quranın hər kəsə şamil olması baxımından möcüzə olması (32

bir sözlə, yeni bir hüquqi texnika yaratmaq üçün bu məsələlərə
tam bir bağlılıq və sağlam hüquq məntiqi olmalıdır. Türkiyəli
alim Xeyrəddin Qaraman yazır ki, İslam dini insan
cəmiyyətində müəyyən edilən islahatı gerçəkləşdirmək üçün
həyata keçirilməsi tələb olunan əmrlər və hökmlərdən ibarət
şəriəti yaratmışdır ki, bunun da bir-birinə bağlı, hər biri
öncəkinin meyvəsi və sonrakının kökü olan üç hədəfi vardır: 1.

Bəşəriyyətin ağlını xurafat və təqlid əsarətindən qurtarmaq.
Bu, bir tək Allaha inam ilə əqli dəlinin, hür əməlin düşüncəyə
yönəlməsi yolu ilə gerçəkləşir. Bununla da İslam dini müxtəlif
cür təzahür olunan bütpərəstliyə qarşı mübarizə aparmışdır.
Bütpərəstlik ağlın degenerasiyası, bəsirətin kor olması
deməkdir; 2. Fərdin ruh və əxlaqını islah etmək, onu xeyir,
yaxşılıq və vəzifə sahəsinə yönəltmək, həmçinin insana öz
arzu və ehtiraslarına qalib gəlməsi, ağıl və vəzifə duyğusuna
sahib olması imkanı yaratmaq. Bunu, Allaha davamlı ibadətlə
savab və cəza inancı gerçəkləşdirir. Bunların sayəsində insan
daim yaradıcısını xatırlayacaq, vəzifələrini qüsursuz olaraq
yerinə yetirə bilmək üçün davamlı özünü nəzarətdə
saxlayacaqdır; 3. Cəmiyyətdə ümumi həmrəyliyi və insanlar
arasında bir-birinə olan inamı, ədaləti, həmçinin insana verilən
1
hürriyyətlərin qorunmasını vacib etmək.
İslam hüquqi ilə bir qədər tanış olduqdan sonra, yaxşı olardı
ki, Qurandakı bəzi hüquqi ayələr ilə də tanış olaq.

Elə bu baxımdan da islamın hüquqa olan baxışını daha yaxşı
və dərindən başa düşmək üçün, aşağıda bəzi hüquqi ayələri
gətirəcəyik.

pa.edu.az 1