Page 31 - Islamic Studies 06

Qadının zərafəti, qadının gücü./30

qayıdarıq, amma hay-küylə, təm-təraqla və öz tərəfdarları ilə
gəldiyini görsək, onunla mübahilə edərik.”
Ertəsi gün Peyğəmbər (s) Əli (ə), Fatimə (ə.s), Həsən (ə)

və Hüseynlə (ə) birlikdə xristianların qarşısına çıxdı.
Xristianların başçısı ətrafındakılardan soruşdu: “Bunlar
kimdir?” Ona dedilər: “Biri əmisi oğlu və kürəkəni, o iki oğlan
uşağı qız nəvələri və o qadın da hamıdan əziz bildiyi qızıdır!”

Xristianların yepiskopu dedi: “Mənim gördüyüm kişi öz
qərarında möhkəmdir, mübahiləyə şücaət və cürətlə gəlmişdir.

Qorxuram ki, haqq olsa, ağır bəlaya düçar olaq!” Sonra üzünü
Peyğəmbərə tutub dedi: “Ey Muhəmməd! Biz qərara gəldik ki,
səninlə mübahilə yox, sülh edək!” Bəzi rəvayətlərdə isə onun
belə dediyi nəql olunur: “Ey xristianlar! Mən elə nurlu simalar

görürəm ki, əgər onlar Allahdan istəsələr, dağ yerindən qopar!
Onlarla mübahilə etməyin, yoxsa həlak olarsınız!”
“Mübahilə” hadisəsi İslam Peyğəmbərinin (s) risalətinin

doğru və haqq olduğunu göstərən aydın bir nişanə və dəlildir.
Çünki Allahla qəti və mənəvi əlaqəsi olmayan şəxsin belə
təhlükəli işə razı olması mümkün deyildir. Peyğəmbəri-Əkrəm

(s) çəkinmədən müxaliflərinə deyir ki, gəlin, birlikdə dua edib
Allahdan yalançıları rüsvay etməsini diləyək.
Şübhəsiz, belə bir meydana girmək asan iş deyil; Heç bir

ağıllı insan qarşı tərəfin məğlub olacağına inanmadan belə bir
işə əl atmaz. Məhz bu səbəbdən də, rəvayətlərdə deyildiyi
kimi, mübahilədən söz düşdükdə, Nəcran xristianları
Peyğəmbəri-Əkrəmdən (s) bir qədər fikirləşmək üçün möhlət

istədilər. Onlar Peyğəmbərin (s) özü ilə gətirdiyi şəxslərin
yalnız dörd nəfərdən ibarət olduğunu, səs-küy salmadan, qəti