Page 58 - Islamic Studies 06

İSLAM ARAŞDIRMALARI JURNALI, Üçüncü il, beşinci sayı (Bahar-Yay / 2024) /57

8) Ailədə rəhbərlik məsələsində kişilər qadınlardan iki

nəzərə görə fərqlənir:

A- Əgər kişini cinsi və fiziki baxımdan təhlil etsək bu
məsələ özü-özlüyündə aydınlaşacaq. Bundan əlavə hər bir

icmanın və ya ailənin gözəl və səadət içində yaşaması üçün
ümdə lazım olan budur ki, hər kəs öz qabiliyyətinin əhatəsində
hərəkət etsin. Yəni ailədə hər kəs öz atifi və fiziki gücünə

uyğun özünə vəzifə seçsin və onu səmimi yerinə yetirsin. Belə
olan halda ailənin rəhbərliyi yenə də kişinin öhdəsinə
1
düşəcəkdir .

Allah-Taala bütün insanları müxtəlif qüdrətə və istedada
malik olaraq yaratmışdır. Əgər bütün insanlar eyni gücə və
istedada malik olsa idilər , bütün yaradılış sistemi aradan

gedərdi. Bundan əlavə dünyada olan bütün işlər bir- birindən
fərqli olaraq özünü büruzə verir. Bu səbəbdən də, fərqli işlər
üçün fərqli istedada malik olan insanlar lazımdır. Nəticə budur

ki, dünyada hər bir şeyin seçilməsi və fərqli olması
istedadların inkişafına xidmət edir.

Kişi və qadın arasında olan fərq də bu qanun əsasındadır.
Bunu da qeyd edək ki, bu fərqlilik, bunların heç biri üçün
fəzilət və üstünlük deyil, çünki kişi və qadın iki müxtəlif sinif
olaraq müqayisə olunursa burada heç bir fəzilətdən danışmağa

dəyməz. Başqa sözlə desək, üstünlük fərq və fərq üstünlük
sayılmaz. Deməli, Nisa surəsinin 34-cü ayəsinə əsasən kişiyə

1 . Cavadi Amuli, “Zən dər ayineye cəlal və camal”, səhifə 364- 369