Page 160 - Pure Life 11

Sosial Mediya və Ondan İstifadə Əxlaqının Tələbənin Ailə Həyatına Təsirləri /159

Qurana görə ideal bir qadının əsas altı özəlliyi var; Allaha
təslimiyyət, iman, itaət, tövbə, ibadət və məşəqqətlərə sinə
gərməyi bacarmaq (bu qənaətkarlığı da ehtiva edir).
Bir qadın üçün ideal ər; Allaha könüldən bağlı olub,
Ona təslim olan, ibadət edən, günahında israr etməyən
(tövbəkar), namuslu bir mömindir. Çünki Allah Qurani
Kərimdə cənnətlik möminlərin keyfiyyətlərini sayarkən bu
1
söylədiklərimizi vurğulamışdır.
Bu keyfiyyətləri daşıyan qadın və kişi tərəfindən
qurulan bir ailədə şübhəsiz ki, eyni keyfiyyətlərə sahib
insanlar yetişəcək. Gələcək həyat yoldaşını sadəcə malına-
mülkünə, gücünə-qüvvətinə, nüfuzuna, gözəllik və
yaraşığına görə seçən bir qadın ya da kişi çox keçmədən
həyatını özünə zindan etdiyini anlayacaq. Çünki Dünyanın
nə zəngini bitər, nə də gözəli...
Ailəni quran qadın və kişidirsə onları bir yerdə tutan
nigahdır. Yəni evli cütlərin bir-birilərini mənimsəməsi;
sağlam bir şəkildə sözləşməsi və bunu üçüncü şəxslərə
duyurub qanuniləşdirməsidir.
Nigah sayəsində cütlər üç mənəvi rabitə ilə bir-birinə
bağlanmış olur; belə ki, bir-birinə ər və arvad qədər
"yaxın" olan başqa iki insan təsəvvür etmək mümkün
deyil. (Maraqlıdır ki, bu bağlar qopduğunda da ər-arvad
qədər bir-birinə yad, yabançı, düşmən olan iki insan
yoxdur!!!) Sadəcə nigah, qadınla kişini bir-birinə
bağlamaz. Nə qədər yaxın olsalar da bu uzun müddətli
olmaya bilər. Ailəni qoruyan ilk amil güvəndir.
Ər-arvadın bir-birinə güvənmədiyi ya da güvənlərinin
azaldığı ailə gec-tez zindana çevrilir. Bugüvənsizliyin
mütləq aradan qaldırılması lazımdır. Bu mövzuda əsl iş də
kişiyə düşməkdədir; nə olursa olsun yuvasını qurtarmalıdır.

1. Muminun, 1-11