Page 116 - Islamic Studies 02

114) / İSLAM ARAŞDIRMALARI JURNALI, İkinci. İl, İkinci. Buraxılış (Bahar-Yay/2022)

itirməkdən qorxurlar. Başqa sözlə ifadə etsək, mömin insan
üçün mənəviyyatını əldən verib, Allahın qəzəbinə düçar
1
olmaq, onu gözündən düşmək daha qorxuludur.
İmanın müxtəlif dərəcələrində insanın ümid və qorxusu da
müxtəlif olur. İmanın birinci dərəcəsində cəhənnəm əzabından
qorxulduğu halda, ən yuxarı mərtəbəsində Allahın razılığını
itirməkdən xoflanılır. Həqiqətən ümid və qorxu təkcə dünya

həyatı üçün deyildir. Həqiqət axtarışında olan insan əbədi
axirət həyatını unutmamalıdır. Bu insanlığa tərəf hərəkətin
amilidir. Allahın razılığını qazanmaq istəyən şəxs, çirkin
əməllərdən həya edib çəkinməlidir. Çox vaxt bəndə Allahın
mərhəmətinə ümid edib, böyük günahlara bata bilər. Bu tez-
tez baş verən hadisələrdəndir. Belə ümid saxtalıq nişanəsidir.
Ancaq yenə də Allah insanı onun hansısa əməlinə görə
bağışlayır.
İnsan Allahdan elə bir həddə qorxmalıdır ki, onu
günahlardan çəkindirə bilsin. Ümid qorxudan çox olarsa,
insan günaha düşər. Qorxu ümiddən çox olarsa, bu dəfə də
insan bədbinlik hissinə qapılar. 2
Deməli, itaətkarlıq və bəndəlik hissi pak nəfsli insanın bütün
vücudunu bürüyür. Məsum İmamlar (ə) və Peyğəmbərimiz (s)
Allahın cəlal sifətlərini düşünəndə qorxar, cəmal sifətlərini
düşünəndə isə ümidvar olardılar.
“ Bilin ki Allah dostları üçün heç bir qorxu yoxdur və onlar
kədərlənməzlər” 3
Biz də onları örnək götürüb, yollarını davam etdirəriksə tez
bir zamanda öz istəyimizə çata bilərik.

1 - Misbah Yəzdi, İmam Sadiqin nəsihətləri, səh 87
2 - Həmin, səh 90
3 - Yunis / 62