Page 349 - Islamic Studies 03

348) / İSLAM ARAŞDIRMALARI JURNALI, İkinci il, Üçüncü buraxılış (payız-qış /2023)

3.Bəzi rəvayətlərə görə İmamın (ə) ailəsinin özü ilə
aparması Tanrı istəyi ilə həyata keçdi. Uca Allah o həzrətin

zalım hökumətə qarşı mübarizəyə qalxıb bu müqəddəs yolda
şəhid olmasını və bu yolda ən əzizlərinin , bacısının , həyat
yoldaşının , oğul-qızlarının və başqa sevdiklərinin onun
kənarında bütün müsibətlərə qatlanmasını istəmişdir. İmam

Hüseyn (ə) Tanrının hər bir istəyinə əməl etdiyi kimi bu
istəyinə də yüksək səviyyədə əməl edib bütün əhli-beytini
hətta yeni doğulmuş körpəsini də özü ilə mübariz yoluna

apardı.
4.Hər bir qiyamın iki əsas ünsürə ehtiyacı vardır ki , o
ünsürlər bu qiyamın yaranması və əbədi yaşamasında böyük

rol oynayırlar. O ünsürlərin biri fədakarlıq , şəhadət , digəri isə
təbliğat və qiyamın fəlsəfəsini cəmiyyətə çatdırmaqdır. Birinci
ünsür qiyamın vücuda gəlməsi üçün bə qədər əhəmiyyət

daşıyırsa , digər ünsür də bu qiyamın tarixdə yazılıb
bəşəriyyətə necə çatdırılmasında o qədər əhəmiyyət daşıyır.
Kərbəla hadisəsindən sonra əsir düşmüş qadınlar xüsusilə
də Həzrət Zeynəb (s.ə) bu qiyamın fəlsəfəsini , Bəni-

Üməyyənin törətdikləri cinayətləri , Kufə əhlinin imamı (ə) tək
qoymalarını və bu kimi mühüm hadisələri insanlara çatdırdılar.
Əgər onlar bu hadisəni təbliğ edib başqalarına

çatdırmasaydılar , şübhəsiz hakimiyyətdə oturanlar İmam
Hüseyni (ə) üsyankar tanıtdırmaqla onun bütün hədəflərini
aradan aparacqdılar. Bu da qadınların Kərbəla hadisəsinin

yaşamasında nə qədər böyük rol oynadıqlarını bildirir.