Page 105 - Islamic Studies 04

104) / İSLAM ARAŞDIRMALARI JURNALI, Üçüncü il, Dördüncü buraxılış (Bahar-Yay/2023)

nəzərə alaraq, Musa peyğəmbərin (ə) möcüzələri içərisindən
sadəcə bir möcüzəsini araşdıracağıq və həmin möcüzə də,
qırmızı dənizin ikiyə ayrılmasından ibarətdir.
Əgər bu tarixi hadisəyə elmi baxımından yanaşsaq, görərik
ki, Musa peyğəmbərin (ə) qırmızı dənizi ikiyə ayırıb, keçdiyi
yer, coğrafi baxımından dağlıq ərazi olub. Ona görə də Musa
(ə) və İsrail oğullarının Fironun əlindən qaçacağı yeganə yer,

qırmızı dənizə tərəf idi. Quranda bütün bu deyilənlər haqqında
kifayət qədər məlumatlar var. Alim və tədqiqatçılar Musanın
(ə) İsrail oğulları ilə birgə Misirdən qaçış hadısəsinə aid olan
ayələri oxuduqdan sonra, inanılmaz nəticələr əldə etdilər.
Tədqiqatçılar dənizin ikiyə bölünməsi haqqında inanılmaz
nəticələr ilə qarşılaşdılar. Belə ki, alimlərin dənizin ikiyə
bölünməsi haqqında etdikləri tədqiqatlardan sonra əldə etdiyi
nəticələr, Quran ayələrində deyilənlər ilə eyni və çox oxşar idi.
Tədqiqatçılar qırmızı dənizin ikiyə bölünməsini, eləcə də
Musa (ə) və İsrail oğullarının Firondan xilas olma hadisəsini
elmi metodla sübut ediblər.
Tədqiqatçıların əldə etdiyi nəticəyə əsasən, dənizin ikiyə
bölünməsi üçün saniyədə 30 metrlik sürəti olan tufanın baş
verməsi lazım idi. Musa peyğəmbər (ə) də məhz həmin sürətli
tufanın vasitəsi ilə dənizi ikiyə bölərək, misli görülməyən bir
möcuzə göstərdi. Bir çox tədqiqatçıların araşdırmalarına
əsasən, sürəti çox olan tufanlar dəniz suyunu ikiyə bölmə
gücünə malikdir.
Bunları nəzərə alanda, belə bir nəticəyə gəlmək olur ki,
Qurandakı bütün hadisələr real hadisələrdir və həmin
əhvalatların heç biri uydurulmuş deyil. Yəni dənizin ikiyə
ayrılma hadisəsi tarixdə baş vermiş bir hadisədir və hətta
günümüzdəki alim və tədqiqatçılar həmin qeyri adi hadisələrin
reallıq ilə uyğun olduğunu sübut ediblər.