Page 166 - Islamic Studies 04

Dinə söykənən əxlaq/ (165

Zehin və kompüter
Məlumdur ki, kompüterin işləmə prinsipi zehnin işləmə
prinsipi ilə eynidir. Alimlər zehin üzərində uzunmüddətli
araşdırmalardan sonra, nəhayət, süni zehni — kompüteri ixtira
edib təkmilləşdirmişlər.
Siz kompüterdə bir məsələni həll edərkən müəyyən
düymələri basmaqla bir anda məsələnin həllini ekranda
müşahidə edirsiniz. Amma bəzən bu proses bir qədər uzun
çəkir. Zehin də (demək olar ki,) eynilə belədir. Amma gəlin
görək kompüterdə, bir anda baş verən hərəkət hansı
mərhələləri keçərək sona çatır?
Kompüter ikilik (0;1) say sistemində işlədiyindən, daxil
1
edilən məlumatların hamısını ikilik say sisteminə çevirərək
məsələni həmin məkanda həll edib, sonra yenidən, cavabı
ikilik say sistemindən, verilən məlumatlar məkanına çevirib
ekrana verir. Məsələn, "5+2=7". Əvvəlcə, öz ana
məlumatlarının arasından, daxil edilən "5" ədədinə uyğun
ikilik say sistemindəki ədədlə "2" ədədinə ikilik say
sistemindəki uyğun ədədi toplayıb həmin say sistemində bir
ədəd alır. Yeni alınan ədədi ana məlumatlarda axtarıb onluq
say sisteminə uyğun olaraq ekrana verir. Maraqlıdır ki, bu
qədər proses saniyənin onda, yaxud yüzdə bir hissəsində baş
verir.

1 Mövqeli say sisteminin 4 say sistemi var: İkilik say sistemi, Səkkizlik
say sistemi, Onluq say sistemi, Onaltılıq say sistemi. Onluq say sistemi
bizim gündəlik işlətdiyimiz say sisteminə deyilir.