Page 231 - Islamic Studies 04

230) / İSLAM ARAŞDIRMALARI JURNALI, İkinci il, Üçüncü buraxılış (payız-qış /2023)

Bunlara əsasən insanlar öz yaxşı və pis əməlləri əsasında

mühakimə ediləcəklər. Insanlar etdikləri yaxşı əməllərə görə
mükafatlandırılacaqlar və pis əməllərinə görə də

cəzalandırılacaqlar.

Müqəddəs islam dininin təlimlərinə əsasən Şübhə olunmayan
əqidələrdən biri də, insanın bütün əməllərinin (pis və yaxşı)

qeyd olunması və əməl dəftərində yazılmasıdır. Quranda bu
haqda buyurulur:

Sizin üstünüzdə gözətçi mələklər –

(Əməllərinizi) yazan və (Allah dərgahında) çox hörmətli olan
mələklər vardır.

Onlar sizin nə etdiklərinizi bilirlər. (əl-İnfitar surəsi\10-12)

Dediyi hər sözü (yazmaq üçün) onun yanında hazır durub

gözləyən (iki mələk) vardır! (Qaf surəsi\18)

Əlbəttə, əməllərin necə qeyd olunduğu dəqiqliyi ilə bizə

məlum deyil. Amma bu işin baş verməsi hədislərə və ayələrə
əsasən, qəti bir məsələdir. Quran açıq şəkildə bu haqda
buyurur:

Biz hər bir insanın əməlini öz boynundan asar və qiyamət
günü (bütün əməllərini) açıq kitab kimi qarşısına qoyarıq.

(Və ona belə deyərik: ) “Oxu, kitabını (əməl dəftərini). Bu gün
sən haqq-hesab çəkməyə özün-özünə (özün öz əməllərinin
şahidi olmağa) kifayətsən!” (əl-İsra surəsi\13-14)