Page 51 - Islamic Studies 04

50) / İSLAM ARAŞDIRMALARI JURNALI, Üçüncü il, Dördüncü buraxılış (Bahar-Yay/2023)

Əllamə Məclisi elmin müxtəlif sahələrinə aid çoxlu

əsərlər yazmışdır. Sözsüz ki, onun qələmə aldığı əsərlərin
böyük əksəriyyəti dini elmləri ehtiva etməkdədir. O, əsərlərini
iki dildə-ərəb və fars dillərində - yazmışdı. Mənbələrdə onun

aşağıdakı əsərlərinin adı çəkilməkdədir:

1. Biharül-ənvaril-camiəti li durəril-əimmətil-əthar.
2. Miratul-üqul fi şərhi əxbari Alir-Rəsul. “Miratül-üqul”
əsəri Küleyninin “əl-Üsul minəl-kafi” əsərinə şərh
olaraq yazılmışdır. Əsər iyirmi beş cilddə nəşr olunub
(hicri 1401/1981 və 1409 cu illərdə Tehranda nəşr
olunub).
3. Mulazil-əxyar fi şərhi təhzibül-əxbar” (1406/1985/86-ci
illərdə Qumda nəşr olunub).
4. Şərhül-ərbəin.
5. əl-Fəvaidüt-tərifə fi şərhis-səhifə.
6. əl-Vəcizətu fir-rical.

7. Risalətül-itiqadat. (Əsər İsfahanda hicri 1409-cu ildə
nəşr olunub).
Əllamə Məclisinin “Biharül-ənvar” əsəri hələ onun
sağlığında müəllifə böyük şöhrət gətirmişdir. Əsərə yaxından
bələd olan alimlər onu yüksək səviyyədə qiymətləndirmiş və
haqqında tərifli sözlər demişlər.

Əllamə Məclisinin “Biharül-ənvar” əsəri bir hədis kitabı
olmasına baxmayaraq, demək olar ki, bütün dini mövzularla

yanaşı, bir çox dünyəvi mövzuları da əhatə etməkdədir. Çünki
müəllif burada bütün dini mövzular haqqında olan hədisləri
toplamış və onları dəyərləndirmişdir. Buna görə də “Biharül-

ənvar” əsərində din və təbiətşünaslıq problemləri baş mövzu
hesab olunur. Müəllif adı çəkilən əsərində dinin mənşəyi və