Page 52 - Islamic Studies 06

İSLAM ARAŞDIRMALARI JURNALI, Üçüncü il, beşinci sayı (Bahar-Yay / 2024) /51

təfsirçilərin və lüğətşünasların nəzərlərinə əsasən "qivam"

kəlməsinin mənası başçı, ailənin işinə yardımçı və bu kimi
sinonimlərdir. Amma əgər ailəyə kiçik bir dövlət kimi baxsaq
və onu kiçik bir ictimaiyyət kimi qiymətləndirsək, təbii ki, bu

kiçik dövlətə böyük bir dövlət kimi başçı və arxalana biləcəyi
kimsə lazımdır. Bu başçılıq hər tərəfdən bu ağır məsuliyyətə
qabiliyyəti və gücü çatan bir nəfərə həvalə edilməlidir. Təbii

ki, bu işin öhdəsindən hər cəhətdə qadından qüdrətli olan kişi
gələ bilər, çünki:

1-Kişi çətinliklər müqabilində dözümlü və səbirli, qadın
isə atifəli (emosianal xüsusiyyətə malik), hissiyyata qapılan
incə və kövrək bir məxluqdur.

2-Həmçinin fiziki cəhətdən də qadın kişidən olduqca zəif
və incədir.

3-Bundan əlavə ailənin gəliri və mənfəəti, habelə gündəlik
tələbatı kişinin öhdəsində olduğu üçün başçılıq da onun əsas
məsuliyyətlərindən biridir.

Qurani- Kərimin nəzərində kişinin ailədə olan hakimliyi və
başçılığı yalnız Allahın razılığı, icazəsi və ədaləti çərçivəsində

olmalıdır. Amma məqam baxımından yalnız iman və təqva
sahibləri Allah-Taalanın hüzurunda fəzilətlidirlər. Yəni
insanların üstünlüyü onların hansı cinsdən olmasında deyil,
əksinə onların nə qədər təqvalı olmasındadır. Qurani-Kərimin

nəzərində kişinin ailədə olan başçılığı və hakimiyyəti ona heç
bir üstünlük vermir. Yəni kişinin bu işi heç də onun uca
məqam sahibi olmasını çatdırmır. Yuxarıda qeyd etdiyimiz