Page 143 - Pure Life 02
P. 143

İBRAHİMİ DİNLƏRDƏ ALLAH/ 227





                           (Həqiqətdə insan öz Allahının cəlal və camal sifətlərindən agah olmaq
                        imkanına  malikdir.  Hətta,  təbiətin  özü  də,  bizə  Allahı  tanımada  gözəl
                        yardımçıdır. Biz təbiətə baxdıqda Allahın qüdrətini, əzəmətini, ədalətini,
                        gözəlliyini və s. dərk edirik.)
                           Əgər biz Allahı heç bir şəkildə tanıya bilməsək, onun xüsusiyyətlərindən,
                        sifətlərindən  xəbərdar  olmasaq,  ilahi  mərifəti  yolunda  yalnız  bir  necə
                        mənasız sözlərə kifayət etməli olacağıq. Bu isə ilahi mərifətinin tətil
                        olması  deməkdir.  Və  qəbul  olunası  mümkün  olmayan  bir  əqidədir.
                        Çünki Qurani-Kərim və digər səmavi kitablar məhz ilahi mərifətini
                        bəyan etmək üçün (Allahı tanıtmaq məqsədilə) nazil olmuşdur.
                           Bu barədə çoxlu oxşar misallar gətirmək olar. Məsələn; Biz «ruhun» həqiqətini
                        olduğu kimi anlaya bilmərik. Lakin eyni halda onun xüsusiyyətlərindən xəbərdarıq.
                        Və onun əsərlərini (təsirlərini) müşahidə edərək çox yaxşı anlayırıq İmam Baqir (ə)
                        özünün bir hədisində buyurur:
                           «Allah barəsində (Onun həqiqəti barəsində) öz fikir və xəyallarınızla ən dəqiq
                        mənada və şəkildə etdiyiniz təsəvvürlər, yalnız sizin ağlınızın yaratdıqlarıdır
                        (Yəni həqiqət deyildir). Və sizin özünüz kimi naqis və məhduddur. (Allah-Taalanın
                        həqiqəti bu xəyallardan daha uca və üstündür («Biharul-ənvar» c- 66, səh 293)
                           Həzrət Əli (ə)-dan nəql edilən başqa bir hədisdə ilahi mərifəti ən gözəl
                        və aydın təbirlərlə bəyan olunmuşdur: «Allah-Taala ağılları öz sifətlərinin
                        (və  zatının)  hüdudlarından  (həqiqətlərindən)  agah  etməmişdir.  Və  amma
                        eyni halda onları lazım olan miqdarda anlayışdan və mərifətdən məhrum
                        da, etməmişdir. (Ğurərul - hikəm)

                                 1
                                              2
                        10 – Tətil  və  təşbihin  yanlış olması
                        İlahi  mərifətində  ağlın  qüvvədən  salınması  olmadığı  kimi,  «təşbih»  də,
                        düzgün deyildir. Allahı, bəndələrinə oxşatmaq, bəndənin - məxluqatın sifətlərini
                        Ona nisbət vermək doğru deyildir. Eləcə də, Allahı tanıma yolunda insan
                        ağlının tamamilə aciz və tətil olması da, qeyri-səhihdir. Bunların biri təfrit,
                        digəri isə ifrata varmaq deməkdir.





                        1. Ağlın qüvvədən salınması
                        2. Allahı, Onun bəndəsinə oxşatmaq
   138   139   140   141   142   143   144   145   146   147   148