Page 151 - Pure Life 02

İBRAHİMİ DİNLƏRDƏ ALLAH/ 219

Belə qiymətli İlahi kəlamlarının, ayələrin çox olmasına görə, Tanrını
vəsf və mədh edən Quran ayələrinin hamısını bu kitabda gətirə bilmərik.
Amma o mübarək o ayələrdən bir neçəsini nəzərinizə çatdırmaq imkanın-
dan istifadə etmək istərdik:
1. «O Allah elə bir məbuddur ki, ondan başqa heç bir məbud yoxdur. Hər
şeyi sahibidir. Müqəddəsdir, sağlamlıq, əmin-amanlıq bəxş edəndir.
Qoruyan və nəzarətçidir. İzzət və qüdrətə malikdir. Məğlubedilməzdir.
Böyük və əzəmətlidir bütün eyb və nöqsanlardan pakdır. O həmin
Allahdır ki, yaradan və surət bəxş edəndir. Gözəl adlar və yalnız ona
məxsusdur.» (Həşr, 23-24)
2. «Allah etdiyiniz bütün gizlin və aşkar əməllərdən xəbərdardır»
(Bəqərə, 77) «Həqiqətən Allah eşidən və biləndir» (Bəqərə, 227)

Gördüyünüz kimi, Qurani-kərimin ayələrində Allah üçün mədh (tərif) zikr
etməklə tanrı barəsində bir necə həqiqəti açıqlayır. O cümlədən; Quran Allahın
hər şeyi yaratdığı üçün öz yaratdıqlarına ehtiyacı olmamasını, həmçinin şərik,
zövcə, oğul, qız və bu kimi məfhumların Allahdan uzaq olmasını bəyan edir.
Quran, bütpərəstləri Tanrının kənarında başqa məbudları ibadət etməkdən
çəkindirərək, onları yalnız vahid xaliqə və rəbbə sitayiş etməyə əmr edir.
Ümumiyyətlə, Qurani-kərim tövhid məsələsinin əhəmiyyətinə görə
qırxdan çox ayədə tövhidə və təkallahlığa əmr etmişdir. Lətif olduğu
üçün gözlərin onu görməyə qadir olmadığını bildirən ayə onun hər bir
şeyi, hətta gözlərdə olan xəyanəti, məhəbbəti və nifrəti gördüyünü elan
edir. O ki, qaldı Allah-təalanın hər şeyə agah olduğuna, demək olar ki,
Qurani-kərim dəfələrlə tanrının hər şeydən xəbərdar olmasına işarə
etmişdir. Və bu işarə bəzən Tanrının kainata olan sonsuz elmi şəkildə və
bəzən də onun hər şeyi görüb-eşitdiyini bildirən ayələrdən düşünülür.
Quranın məntiqinə əsasən Allah bir olduğu üçün gərək məbud da bir ola.
Yəni ibadət yalnız hər şeyin sahibi və maliki olan müqəddəs Tanrının
qarşısında olmalıdır. Quran Allah-təalanı həqiqi nemət sahibi kimi tanıtdırır.
Quran baxımından sağlamlıq və əmin-amanlıq bəxş edən, kainatı qoruyan
və onun nizam-intizamına nəzarət edən Allah sözsüz ki, tükənməz izzətə və
qüdrətə malik olmalıdır. Belə bir böyük və əzəmətli Tanrı heç bir qüdrətin
qarşısında məğlub olmaz çünki o hər bir nöqsandan pakdır. Quran, nəhayət,
hər bir gözəl adı Allaha layiq və ona məxsus bilir.