Page 154 - Pure Life 02

216/ PURE LIFE, Vol.2.No.2, (Ramadan Mubarak 1436. Tir 1394. July. 2015)

Xristianlar da, müsəlmanlar kimi Allahın müxtəlif xüsusiyyətlərə malik
olduğuna inanırlar.
Onlar etiqadlıdırlar ki, bu xüsusiyyətlərin arasında üç xüsusiyyət Allahın
zatı kimi əbədi, əzəlidir. Bu xüsusiyyətlər aşağıdakılardan ibarətdir:
1. Allahın ali və əzəli zatı.
2. Allahın əzəli kəlməsi ki, İsa Məsihdə (ə) təcəssüm etmişdir.
3. Allahın həyatverici və daim fəaliyyətdə olan vücudu ki,
Müqəddəs ruh adlanır.
Bu sifətlər zati və əzəlidir. Çünki ilahi zatında pərakəndəliyin olması
qeyri-mümkündür. Onun zatı daim sabitdir. Söylənilən sifətlər həmişə ilahi
zatla birgədir və onun xaricində deyildir. İşarə olunan sifətlər ilahi zat üçün
zəruri və əsldir. Onların heç birisini inkar etmək olmaz.
Başqa bir xristian alimi «üç üqnum əqidəsi»ni belə izah edir: «Allahın
vahid zatı üç üqnumdan ibarətdir. Doğrudur, yaşadığmız dünyada «üçlük»
əqidəsinə uyğun olan bir nümunə ilə üzləşmirik, amma insan ağlı ona
misal ola bilər. Belə ki, insan ağlı həm özü ilə məsləhətləşir, həm də
1
alınmış nəticə haqqında fikir yürüdə bilir.»
Henri Tesin həmçinin yazır: «Üç üqnum əqidəsinə olan inam, «üç Allaha
inanmaq» demək deyildir. Üç allaha inananlar hər üç Allahın vahid hədəfi
güddüyünə etiqadlıdırlar. Amma düzgün əqidə budur ki, Allah həm zatda,
həm hədəfdə həm də feldə vahiddir. «Sableus vahid Allahın «üçlükdə» təcəlli
etdiyini, lakin zatən «üç» olmadığını söyləyir. Yəni bir olan Allah həm İsa (ə)
şəklində təcəssüm etmiş, insanlara nicat vermiş və eyni halda müqəddəs ruh
şəklində düşərək bəşərin günahlarını bağışlamışdır. Necə ki bir insan eyni
zamanda müğənni, müəllim və dost ola bildiyi kimi, həmçinin ata, oğul və
qardaş da adlanır.
Allah da həm Ata, həm oğul və həm də müqəddəs ruh kimi zahir olur.
Amma həqiqi şəkildə yox. Bu əqidə «üçlüyün» inkar olunması deməkdir.
2
Çünki onu yalnız zahiri görünüşü adlandırır.» «Düzgün nəzər budur ki,
Allah üç şəxsiyyətə malikdir. Ata, Oğul, Müqəddəs ruh. Vahid Allah üç
3
fərqli şəxsiyyət.»

1. Henri Tesin, «Xristian ilahiyyatı», səh. 96
2. Həmin yer, səh. 88
3. Həmin yer.