Page 152 - Pure Life 02

218/ PURE LIFE, Vol.2.No.2, (Ramadan Mubarak 1436. Tir 1394. July. 2015)

2. Ağlın üçlüyü rədd etdiyini, lakin ona iman gətirməyin lazım olduğu-
nu iddia edənlər.
Keşiş Ətaullah Vəhib, «Həzrət İsanın (ə) mahiyyəti» kitabının, 18-ci səhifəsində
belə söyləyir: «Üç üqnum əqidəsi, heç bir ağıl və məntiq çərçivəsilə uzlaşmır.
1
İnsan ağlı onu rədd edir. Biz isə bu etiqadı təsdiqləməli və qəbul etməliyik.»
Rəsmi kilsə etiqad naməsində yazılıb: «Üç üqnum əqidəsi, ilahi sirridir.
Onu Tanrıdan bir başa vəhy olmadan başa düşmək olmaz. İnsan ağlı onu
2
anlamaqda acizdir.»
Hətta Tomas Akvinas da, bu əqidənin elmi və fəlsəfi dəlillərlə sübuta
yetirilə bilməsinin qeyri-mümkün olduğunu söyləyərək, fəqət iman əhlinin
3
ona etiqadlı olmasını zəruri sayır»
A. İSLAMDA ALLAH
Qurani-kərim elə bir əsrdə nazil olmuşdur ki, insanlar Allahın kənarında
yüzlərlə bütə sitayiş edərək, onların razılıqlarını əldə etmək üçün qurbanlar
kəsirdilər. Düşüncə və şüur cəhətdən zəif olan qədim ərəblər Allahı cism
sanır, onun üçün oğul, qız və şərik təsəvvür edirdilər. O insanlar hətta cin
və şeytanları dünyanın idarə olunmasında Allaha yardımçı sanırdılar.
Belə bir acınacaqlı vəziyyətdə Uca Tanrı bəşəriyyətə sonsuz mərhəmət
edərək, ilahi mərifətlərin ən kamili olan Qurani-kərimi Həzrət Məhəmmədin (s)
ülvi qəlbinə nazil etdi. Çox yüksək və dərin mənalara malik Qurani-kərimin 1/3
hissəsi Allah-təalanın vəsfinə aid olunur. Quranda ilk növbədə, Allaha qarşı
irəli sürülən iddialar, Ona nisbət verilən yanlış xüsusiyyətlər və sifətlərlə
mübarizə aparılmışdır. Cinlərin Allaha şərik qoşulmasına etiraz edilərək,
onların yaradılmış olmasına, Allahın onları xəlq etməsinə diqqət çəkilmişdir.
Allah üçün oğul və qız təsvir edənlər sərt sözlərlə tənqid edilmişdir. Yeri və
göyləri yaradanın övlada, zövcəyə ehtiyac duymamasına təkid edilmişdir.
Allahın şəriksiz rəbb olmasına, Ondan başqa heç bir tanrının olmaması
dəfələrlə bəyan edilmişdir. Təkcə hər bir şeyi Yaradana ibadət edilməsi
tələb olunmuşdur. Gözlərin Onu görmək iqtidarında olmaması, lakin Onun
hər bir şeydən agah olması buyurulmuşdur. (Ənam, 100-102).

1. Ə. Şibli, «Dinlərin əlaqəsi», səh. 124
2. SSS, R. 56
3. V. Dorant, «Mədəniyyətlər tarixi», c. 4, səh. 1302