Page 158 - Pure Life 02

212/ PURE LIFE, Vol.2.No.2, (Ramadan Mubarak 1436. Tir 1394. July. 2015)

Yəhya Allahın başı və saqqalınən yun kimi, qar tək ağ, gözlərinin isə
atəş alovu kimi olmasını iddia edir. "Onun" səsinin gur-gur axan suların
səsi kimi olduğuna, sağ əlində yeddi ulduz, ağzından iti «iki ağızlı qılınc»
çıxdığına təkid edir. Yəhya Allahın üzünün isə bütün qüdrətilə parlayan
günəş kimi olmasını söyləyir. Yəhya "Vəhy"də deyir: "Onu görən kimi
ayaqlarına ölü kimi yıxıldım. O, sağ əlini mənim üstümə qoyub dedi:
1
Qorxma! Birinci, Axırıncı və Diri olan Mənəm!"
Vəhy, 4-cü fəsil, 2-5-ci cümlələrdə, Allahın taxtda oturduğu, görünüşü
yəşəm və qırmızı əqiq daşına bənzədiyi və taxtın ətrafında zümrüdə bənzər
göy qurşağı olduğu söylənilir.
Taxtın ətrafında 24 ayrı taxt, taxtlar üzərində oturan ağ paltar geymiş
və başlarında qızıl tac olan 24 ağsaqqalların olduğu söylənilir. Taxtdan
şimşəklər, göy gurultuları və uğultular çıxır, onun önündə odla yanan
yeddi məşəldə Allahın yeddi ruhunun olması deyilir. Yanındakı əcaib
məxluqlar dayanmadan Allaha deyirdilər: Var Olmuş, Var Olan, Küll-ix-
2
tiyar sahibi Rəbb Allah müqəddəsdir, müqəddəsdir, müqəddəsdir!
Xristianlıqda Allahın varlığına dəlillər
Xristianlıqda iman gətirmək və sorğu-sualsız Allaha itaət edərək, Onu dərk
etmək əsasdır. Buna görə də, uzun illər boyu Yaradanın varlığına dəlil-sübut
gətirmək haqda fikir ortaya atılmamışdır. Əsl həqiqətdə, Allaha inanıb, İsaya
iman gətirib, Onu dərk etmək tələb edilmişdir. Lakin zaman keçdikcə, elm və
fəlsəfənin yaratdığı suallar və ağır şübhələr altında, bəzi xristian alimləri
Allahın varlığına dəlillər gətirməyə başlamışdır. Onların arasında qədim
3
dövrün alimlərindən ən seçilmişi Tomas Akvinasdır.

1 Vəhy, 1-ci fəsil, 10-18-ci cümlələr
2 Vəhy, 4-cü fəsil, 2-5-ci cümlələr
3 Tomas Akvinas (Thomas Aquinas) (1225-1274), onu Foma Akvinat da adlandırırlar, orta
əsr filosofu və ilahiyyatçısı, məsihi sxolastikasının sistemləşdiricisi, tomizmin banisi.
İtaliyanın Akvino şəhərində, zadəgan ailəsində dünyaya göz açmışdır. Gənc yaşlarında
Dominikan ordeninin mənsublarından olmuşdur. İlk təhsilini monastır məktəbində almış,
daha sonra Neapol, Paris, Köln şəhərlərində universitetdə oxumuşdur. Əsas əsərləri:
"Bütpərəstlər əleyhinə külliyyat" (1261-64), "Teologiya külliyyatı" (1265-73). 1879-cu ildə
Tomas Akvinasın sxolastik sistemi katolikliyin yeganə həqiqi fəlsəfəsi elan olunmuşdur.