Page 161 - Pure Life 02

İBRAHİMİ DİNLƏRDƏ ALLAH/ 209

XRİSTİANLIQDA ALLAH
Xristianlıqda Allah haqqında olan inam müxtəlif çalarlara malikdir.
Müqəddəs saydıqları kitablarda Allah bir-birinə zidd olan ibarətlərlə təsvir
edilmişdir. Üstəlik, Müqəddəs Üçlüyə olan inam bu məsələni daha da qəliz
və çıxılmaz hala salmışdır. Buna görə də, xristianlar sorğu-sualsız iman
gətirməyə və inanmağa üz gətirmişlər. Amma bununla belə müxaliflərin
çoxsaylı iradlarının və yunan fəlsəfəsinin qarşısında davam gətirməyərək,
bir sıra islahat işləri aparmışdlar.
Gəlin birlikdə xristianlığın Allah haqqındakı bəzi baxışlarını araşdıraq:
1- Allahın birliyi
İncildə Allahın varlığına təkid edilərək, onu belə vəsf edir: "Var Olmuş,
1
Var olan, Küll-ixtiyar sahibi Rəbb Allah müqəddəsdir."
Əhdi-cədiddə Allahın birliyi haqda bir sıra mətləblər mövcuddur. Orada
2
oxuyuruq: "Ruh bir, iman bir, vəftiz bir, hamının Allahı və Atası birdir."
3
"Qanunverən və Hakim birdir, xilas etməyə və həlak etməyə qadir olan Odur."
Əhdi-cədiddə bütlərə qurban kəsilməsi ilə mübarizə aparılır və bütlərə kəsilən
qurban ətlərinin yeyilməməsinə göstəriş verilir. Beləliklə, bütlərə təqdim olunan
qurban ətinin yeyilməsi barəsində bildirlir ki, "büt dünyada heç nədir" və "bir
olan Allahdan başqası yoxdur". Yerdə və yaxud göydə "allahlar" adlandırılanlara,
çoxlu "allahlar" və "sahiblərə" inananlara qarşı, bir Allaha etiqad bəslənilməsinə
4
təkid edilir. Əhdi-cədiddə oxuyuruq: "Əsrlərin Padşahı, ölməz, görünməz və bir
5
olan Allaha əbədi olaraq hörmət və izzət olsun! Amin."
2- Allahın mütləq elmə malik olması
Əhdi-cədidin bəzi cümlələrində Allahın mütləq elmə malik olmasına təkid edilir,
Onun hər bir şeyə agah olmasına diqqət çəkilir. Belə ki, heç bir yaranış ona gizli
6
deyil. Bütün şeylər onun gözündə açıq və aydındır, onun üçün gizli deyil.

1. Yəhya vəhy, 4-cü fəsil, 8-ci cümlə
2. Efeslilərə, 4:5-6
3.Yaqub, 4:12; Yəhya, 5:44
4. Korinflilərə (1) 8:4-6
5. Timoteyə (1), 1:17
6. Matta, 10-cu fəsil, 30-cu cümlə; İbranilərə, 4-cü fəsil, 13-cü cümlə