Page 163 - Pure Life 02

İBRAHİMİ DİNLƏRDƏ ALLAH/ 207

O Şəxs acizanə deyir: Burax, gedim, çünki səhər açılır. Yaqubun (ə) əlinə
fürsət düşərək, deyir: Mənə xeyir-dua verməsən, Səni buraxmaram. Şəxs soruşur:
Adın nədir? O deyir: Yaqub. O Şəxs "Artıq sənə Yaqub deyil, İsrail deyiləcək,
çünki sən Allahla və insanlarla güləşib üstün gəlmisən". Yaqub Allahı üz-üzə
görüb və salamat qaldığı üçün Allahla güləşdiyi yerin adını Peniel qoyur.
Bibliyanın müasir tədqiqatçılarından olan Q. Qei deyir: «Müqəddəs kitab
çoxallahlıq mifologiyasını dəfələrlə aşkar şəkildə özündə əks etdirir.»
2
Tövratda oxuyuruq: "Ya Rəbb, allahlar arasında Sənin kimisi varmı?"
3
Zəburda deyilir: "Ey Xudavənd, allahlar arasında Sənin kimisi yoxdur!"
4
"Axı Rəbb böyük Allahdır. Bütün allahlar üzərində əzəmətli Padşahdır."
Əlbəttə, bəzi yəhudi tədqiqatçılar, burada "allahlar"dan məqsədin
padşahlar olduğunu iddia edir.
5
Bu məsələ, qismən həqiqətə uyğun olsa da, Zəburdakı bir sıra
məsələlərin diqqət xaricində qalması mümkün deyil. Zəburda mövcud olan
çoxsaylı nümunələrə görə «Allahın» dünyanın yaranmasından əvvəl bir sıra
əjdahalarla mübarizə aparmalı olmuşdur. Məsələn: Zəburda Allaha xitabən
deyilir: "Sən dənizi Öz qüdrətinlə böldün, dəniz əjdahalarının başlarını
6
əzdin. Sən Livyatanın başlarını əzdin, onu çöl heyvanlarına yem etdin."
Zəbur Livyatanı bir tərəfdən balıq, bir tərəfdən əjdaha, gah Allahın yaratdığı
dərkedilməz bir qüvvə, gah da ki Allahla mübarizəyə başlamış güclü varlıq
kimi təsvir edir. Başqa bir yerdə qeyd edilir ki, bu balığın gündəlik yeməyi
7
uzunluğu üç yüz mil olan iri buynuzlu balıqlardır.
Təlmudda isə bu balıq barədə belə yazılır: «Allah gündə 12 saat məşğul
olur. Birinci 3 saat oturub tövratı oxuyur. İkinci 3 saatı kainatı mühakimə
edir. Əgər o, dünyanı dağıtmaq qərarına gəlirsə, mühakimə taxtından qalxıb
mərhəmət taxtına əyləşir. Üçüncü 3 saat isə Tanrı bütün canlıların ruzisini
verir. Dördüncü üç saat da isə Livyatan balığı ilə oynayır.»

1. Dəlalətül-hairin, səh. 139-140, İbn Məymun
2. Çıxış, 15:11
3. Məzmur, 86:8
4. Məzmur, 95:3
5 Belə nəzərə gəlir ki, həmin tədqiqatçıların sözlərində həqiqət vardır. Çünki, Əhdi-ətiqin bir çox yerlərində padşahlara
"allahlar" deyə müraciət edilib. Burada "allah" padşah mənasına işlədilib. Nümunə olaraq, Məzmur, 82:1-8 baxın.
6. Zəbur, 74-cü fəs. 13-14-ci cüm
7. Yeşaya, 27:1; Əyyub, 41:1-34; Məzmur, 104:26