Page 164 - Pure Life 02

206/ PURE LIFE, Vol.2.No.2, (Ramadan Mubarak 1436. Tir 1394. July. 2015)

1- Allahın kamil olmaması
Xristianların müqəddəs saydıqları bu kitaba əsasən Allah tutduğu səhv
əməllərdən peşman olaraq kədərlənir. O guya insanı yaratdığına görə,
başqa bir yerdə isə Talutu (Şaulu) padşah etdiyinə peşman olaraq ürəyində
kədərlənir. Çünki Talut Allahın əmrlərinə itaət etməyərək sözlərini yerinə
1
yetirməyir. Allah qəzəblənərək deyir ki, yaratdığım insanları yer üzündən
siləcəyəm, bunu insanlarla birgə heyvanların, sürünənlərin və quşların da
2
başına gətirəcəyəm, çünki onları yaratmağıma peşman olmuşam.
2- Allahın mütləq qüdrətə malik olmaması
Yəhudilərin müqəddəs kitablarının yazdığına görə, Allah mütləq qüdrətə
malik deyil. Hətta insanların qarşısında belə acizdir. Tövratda Allahın
insanlardan qorxduğu qeyd olunur. Varlıq, 11-ci fəsil, 1-11-ci cümlələrdə
uca bir qüllə tikməyə başlayan insanları görən Allah bundan xoflanaraq öz
mələklərinə deyir: "Budur, onlar vahid xalqdır, dilləri də eynidir. Bundan
sonra fikirlərində tutduqları hər şeyi etməyə qadir olacaqlar. Gəlin aşağı
düşək, onların dillərini elə dəyişək ki, bir-birlərini başa düşməsinlər."
Açıq deyilməsə də, Varlıq, 2-ci fəsil, 2-ci cümlələr və 7-ci fəsil, 22-ci
cümlədə belə bir fikir hasil olur ki, altı günlük yaradıcılıqdan sonra Allah
yorulur və buna görə də «yeddinci günü» (şənbə) özü üçün rahatlıq günü
sayır, istirahət etməyə başlayır. "Çünki altı gün ərzində Rəbb göyləri və
3
yeri, dənizi və kainatdakı hər şeyi yaratdı, yeddinci gün isə istirahət etdi."
Allahı kiçildən fəsillərdən biri də Varlıq, 32-ci fəsil, 22-30-cu cümlələrdir. Burada
gecədən sübhədək Yaqubla (ə) güləşən Allah, ona məğlub olur və ombasının oynağı
yerindən çıxır. Allah Yaquba (ə) yalvararaq Onu buraxmasını xahiş edir. Allaha
qələbə çaldığı üçün adını İsrail qoyur.
Tövratda bu hadisə tam şəkildə belə təsvir edilir ki, Yaqub (ə) gecə qalxıb
iki arvadını, iki cariyəsini və on bir uşağını götürərək Yabboq çayını keçir.
Sonra Yaqub (ə) tək qalır. Dan yeri sökülənə qədər bir Şəxs (Allah) onunla
güləşir. Yaquba üstün gələ bilmədiyini görüb onun budunun oynağına zərbə
vurur. O Şəxslə güləşərkən Yaqubun (ə) budunun oynağı zədələnir.

1. Şamuel (1), 15:11; Şamuel (1), 15:35
2. Varlıq, 6-cı fəs. 6-7-ci cüm
3. Çıxış, 20:11