Page 186 - Pure Life 02

İBRAHİMİ DİNLƏRDƏ PEYĞƏMBƏRLİK VƏ VƏHY/ 184

«Davudun vaxtında əri cəbhədə ölən qadınları almağı nəhs bildiklərinə
görə, heç kim onlarla evlənmirdi. Oriya döyüşdə şəhid oldu. Davud (ə)
Allahın əmrilə onun arvadını aldı. (Ki, xalq arasına olan bu xurafi əqidə öz
təsirini itirərək, qüvvədən düşsün.) Camaata da, belə iş qəribə gəldiyinə
görə, bir sıra səfeh, şüursuz əfsanələr qurdular.»
Məsələlərin ciddiliyini və əhəmiyyətini nəzərə alaraq Qurani-kərimin
Həzrət Davuda (ə) olan baxışıyla tanış olaq:
1. «O, şəriət və müqəddəs kitaba malik olan peyğəmbər idi.»
(Nisa, 163; İsra, 35)
2. «Allah ona hökumət və hikmət bağışlamışdır. İstədiyi hər bir şeyi
Davuda (ə) öyrətmişdir.»
3. «Allah ona hünər və sənət öyrətmiş, kəramət bağışlamışdır.» (Ən-
biya, 80; Səba, 10)
4. «Ona pak-saleh övlad vermişdir.» (Süleyman, ;Sad, 30)
5. «Davud (ə) qüdrət, qüvvət və nemət sahibi olmasına baxmayaraq,
həmişə Allahı yad edərdi. Bir an belə Allahdan qafil olmazdı.»
(Sad, 17)
6. «Biz dağları Davuda ram etdik ki, axşam-səhər onunla birgə Allahı
təsdiq edib, Tanrının şəninə təriflər deyərlər. Biz quşları da toplu
halında ona ram etmişdik. Və hamısı Davuda tabe idilər. Biz onun
hökumətini möhkəmləndirdik. Ona hikmət, düzgün hökm vermək
qüdrəti öyrətdik.» (Sad surəsi)

ix. 5- Əyyub peyğəmbər (ə)
Qurani-kərim Əyyubun (ə) ilahi imtahanlardan üzü ağ çıxdığını söyləyir
və buyurur: «Onun səbrini gördük. Nə gözəl bəndə idi. Şübhəsiz daim Al-
laha doğru üz tutan adam idi.» (Sad, 44)
İmam Sadiq (ə) buyurur: «Şeytan Allaha Əyyubun ona verdiyi nemət
xətrinə sadiq olduğunu dedi və Allahdan onu imtahan etməsini dilədi. Allah
(ki, bilirdi Əyyub mömin bir bəndədir ki, lakin şeytana sübut olması üçün)
peyğəmbərin var-dövlətini əlindən alıb, onu çox məhdud və az zaman sürən
ağır xəstəliyə düçar etdi. Arvadı ona vəfalı olaraq, çətin halında tərk etmədi.
Bəni-israil rəhbərləri Əyyuba dedilər: «Sən günahkarsan, elə bu səbəbdən
də, belə bəlaya dücar olmusan.» Amma o, dözümlü olaraq, imtahandan
üzü ağ çıxdı.» (ixtisarla)