Page 189 - Pure Life 02

181/ PURE LIFE, Vol.1.No.2, (Ramadan Mubarak 1436. Tir 1394. July. 2015)

xii. İbrahim peyğəmbər (ə)
İbrahim peyğəmbərin adı Quranda 25 surədə 69 dəfə çəkilir.
Həzrət İbrahimin (ə) namussuzluq etdiyini söyləyən İncilin tam əksinə
olaraq Qurani-kərim onu belə mədh edir:
1. O, həyatının əvvəlindən rəşadətli, cəsur, dünyagörüşlü və Allahpərəst
bir şəxs idi: «Biz Musadan öncə İbrahimi irşad etdik, onun mərifətinə
və ləyaqətinə kamilən agah idik.» (Ənbiya, 51)
2. O, dünyada seçilmiş və Axirətdə də saleh insanlardandır: «Biz onu
dünyada seçdik və Axirətdə də salehlərdəndir.» (Bəqərə, 130)
3. O əvvəlcədən təkallahlı olmuş və heç vaxt müşriklərlə həməqidə
olmamışdır. (Ənam, 79)
4. İbrahim (ə) o qədər ilahi, mənəvi kamilliyə çatmışdı ki, göylərin və
1
yerin «gizli və uca səltənətini» müşahidə edirdi, çox düzgün və
yetkin imana sahib idi: «Beləcə İbrahimə göylərin və yerin
«mələkutu»nu göstərdik ki, yəqin əhli olsun.» (Ənam, 75)
5. İstər rəftarında və istərsə də danışdığı sözlərdə doğru, layiq bir
peyğəmbər idi: «Quranda İbrahimi yad et ki, o çox doğrucul və Allah
tərəfindən göndərilən peyğəmbər idi.» (Məryəm, 41)
6. «O Allahın mömin və xeyirxah bəndəsi idi.» (Saffat, 109-111)
7. Pak, təmiz qəlbli idi: «O vaxt ki, İbrahim pak qəlblə Allah tərəfindən
xalqı doğru yola yönəltmək üçün gəldi.» (Saffat, 84)
8. «İbadətində və xeyirxahlıqda qüvvət sahibi və bəsirətli insanlardan
idi ki, baxışında xəta, səhv yoxdur. O, məxsus ixlasa malik Allah
bəndəsi, həmişə Axirəti yad edən bir şəxs idi. O, seçilmişlərdən və
yaxşı əməl sahiblərindən idi.» (Sad, 45-47)
9. O, «peyğəmbərlik» məqamından əlavə «imamlıq» rütbəsinə də layiq
görülmüşdü: «Allah (İbrahimə): «Səni insanlara imam təyin edirəm.»
(Bəqərə, 124)
10. O, Qurana istinadən «Ulul-Əzm» -əzəmətli beş peyğəmbərdən biridir
ki, ibarətdir: «İbrahim (ə) Nuh (ə), Musa (ə), İsa (ə) və Məhəmməd
(s).» (Əhzab, 7; Şura, 13; Ə`la, 18-19)
11. «İbrahim (ə) Allah tərəfindən verilmiş yazıya (sühufa) malikdir.»
(Ə`la, 19)

1. Dini istilahda bu «mələkut» adlanır.