Page 194 - Pure Life 02

İBRAHİMİ DİNLƏRDƏ PEYĞƏMBƏRLİK VƏ VƏHY/ 176

«Başqa bir «təsəlliverici» ibarəsindən məlum olur ki, məqsəd «müqəddəs
ruh» deyildir. Çünki məsihilərin özlərinə də gün kimi aydındır ki, müqəddəs
ruhun «başqası» olmur. Burada söhbət göndəriləcək «peyğəmbərdən» gedir.

6. Yəhya incili, 12-ci fəs., 7-15-ci cümlələrdə deyilir: «Bununla mən sizə
həqiqət söləyirəm. Mənim getməyim sizin üçün xeyirlidir. Çünki mən
getməsəm, «təsəlliverici sizin yanınaza gəlməz.»
Yuxarıdakı cümlələrdən belə başa düşülür ki, gələcək «təsəlliverici» İsadan (ə)
daha əhəmiyyətli və xeyirlidir. Halbuki, xristianların əqidəsinə görə «müqəddəs
ruh» heç vaxt İsadan (ə) üstün və xeyirli ola bilməz. Deməli, söhbət daha
xeyirli və kamil şəriət gətirəcək peyğəmbərdən gedir ki, o, İsadan (ə) sonra
gələn yeganə peyğəmbər - Məhəmmədə (s) işarədir.

Barnaba incili
Barnaba İsaya (ə) ilk iman gətirənlərdən idi və onun «həvarisi» sayılırdı. Çox
güman ki, Luka 6/16 da indiyədək kimliyi açıqlanmayan 11-ci həvari (Yəhuda)
Barnaba idi. Və onu ikinci ləqəbilə yazmışlar. Həvarilərin işləri, 4-cü fəs., 36-cı
cümlədə belə yazılır: «Kiprdə anadan olmuş Levili Yusif də (ki, həvarilər ona
Barnaba ləqəbini verdilər, bu da «Təsəlli oğlu» deməkdir)...»
O, Markın qohumu idi. (Koloslulara, 4-cü fəs., 10-cu cüm.)
Barnaba, Pavelin təbirincə «Müqəddəs ruh və imanla dolu, yaxşı bir
adam idi.» O, İsanın (ə) sevimlisi idi. Elə buna görə də hamının yanında,
xüsusilə də, həvarilərin yanında çox böyük hörmət, nüfuz sahibi idi. Hətta
Paveli həvarilər öz yanlarına qəbul etməyib qovanda, o məhz Barnabaya pənah
gətirdi. Və həvarilər Barnabanın xətrinə Paveli özlərinə yaxın buraxdılar.
(Həvarilərin işləri, 9-cu fəs., 2 6-27-ci cüm.)
O, Yerusəlimdəki cəmiyyətin aparıcı qüvvələrindən biri olaraq Antakiyaya
və digər bölgələrə İsanın (ə) dinini təbliğ etməyə gedir və çox böyük naliyyətlər
əldə edirdi.
Əlbəttə, demək olar ki, Pavellə kəskin mübahisəsindən sonra onun adı,
«naməlum əllər» tərəfindən incil və risalələrdən silindi. Və bu mübahisədən
sonrakı məlumatlarda məsihiyyət dininin yaranışı və təbliğində bənzərsiz
zəhməti olmuş Barnaba barəsində heç bir məlumat verilmir.