Page 197 - Pure Life 02

173/ PURE LIFE, Vol.1.No.2, (Ramadan Mubarak 1436. Tir 1394. July. 2015)

Şərh:
«Başqa bir «təsəlliverici» ifadəsindən məlum olur ki, söhbət «göndəriləcək
peyğəmbər»dən gedir. İsadan (ə) sonra isə Məhəmməddən (s) qeyri «başqa
peyğəmbər» gəlməmişdir.
«Daim sizinlə bərabər olmaq üçün» ifadəsi isə, onun gətirəcəyi şəriət və
kitabın, dinin əbədi olduğuna işarədir.
«Bu həqiqət ruhudur: onun dünya qəbul edə bilməz. Çünki onu görmür
və tanımır. Siz isə onu tanıyırsınız. O, sizin yanınızda durur və sizin yanınızda
olacaqdır.»
Burada qeyd olunan «həqiqət ruhunun», Ruhul-qüds olmaması barəsində
gələn bölmədə olduqca ətraflı şəkildə bəhs olunacaqdır.
«Siz onu tanıyırsınız» və sairdən məqsəd isə Məhəmmədin (s) barəsində,
xüsusilə də incildə verilmiş xəbərdir. İsa (ə) hətta öz qeybi elmilə bu xəbərin,
incil təhrif olunduqdan sonra da tam silinməyəcəyini, sonrakı nəsillərə yetişəcəyini
də vurğulayır. Elə bu səbəbdən də Quran buyurur: «Kitab verdiyimiz kimsələr
(Əhli-kitab) oğullarını tanıdıqları kimi tanıdırlar, Məhəmməd (s) peyğəmbərə
İman gətirməyənlər isə özlərinə ziyan vururlar.» (Ən`am, 20)
«Amma mənim adımla göndəriləcək təsəlliverici sizə hər şeyi öyrədəcək
və sizə söylədiyim hər şeyi xatırladacaqdır... Bunu sizə baş verməzdən əvvəl
söylədiyim ki, baş verəndə iman edəsiniz.»

Şərh:
«Mənim adımla göndəriləcək» - yəni İsanı (ə) təsdiq edəcək bir peyğəmbər.
Necə ki Məhəmməd onu təsdiq etdi. «Hər şeyi sizə xatırladacaq» - Allahın
Rəsulu (s) öz gəlişi ilə hər şeyi, bütün həqiqətləri, o cümlədən də öz gəlişi
barədə incildə xəbər verilməsini xatırlatdı.
Sonuncu cümlədə İsanın (ə) təkidlə xəbərdarlığına fikir verin. O sanki bu
sözlərin unudulmasından, təhrifə uğramasından qorxur, və bu barədə narahatdır.
Gəlin Yəhya incilinin 15-ci fəs., 26-cı cümləsinə diqqət edək:
«Atadan sizə göndərəcəyim «təsəlliverici» gəldiyi zaman mənim üçün şahidlik
edəcək. Siz də (ona) şahidlik edərsiniz, çünki başlanğıcdan mənimləsiniz.»
Əziz oxucu, bu cümlənin Məhəmmədə (s) aid olması heç bir şəkk-şübhə
doğurmur. Onun İsa (ə) barəsində söylədiklərini Qurana müraciət edən hər
kəs aydın təsdiqləyər.