Page 198 - Pure Life 02

İBRAHİMİ DİNLƏRDƏ PEYĞƏMBƏRLİK VƏ VƏHY/ 172

Şərh:
İslam peyğəmbəri (s) də öz gəlişi və səmavi kitabı ilə insanlara ört-basdır
edilmiş həqiqətləri açıqladı. Qurani-kərim kimi kamil və daim doğru yolu
açıqlayan ilahi kitab gətirdi. Necə ki, çoxsaylı Quran ayələrinə diqqət etdikdə
oxuyuruq: «Doğru yol göstərir, rəhmət verir yaxşılara bu kitab!» (Loğman,
1.«Hər şeyi bəyan edən bu kitaba and olsun!» (Duxan, 2) «Şübhə yoxdur ki,
bu kitab haqdan gəlib, təqva sahiblərinə doğru yolu göstərir.» (Bəqərə, 2)
«Ona görə ki, öz adından söyləməyəcəkdir. Amma (ilahi vəhydən) hər nə
eşidərsə söyləyəcəkdir və gələcəyi sizə bildirəcəkdir.»
Bəli, azca fikirləşsək görərik ki, Qurandakı bütün sözlər birbaşa Allah adından
söylənilir və bu kitabın heç bir yerində ayələrin Məhəmmədin (s) öz adından
söylədiyinə rast gələ bilməzsiniz. Necə ki, Quranda buyurulur: «Məhəmməd
heç vaxt «həvayi-nəfs» (öz-özündən, boş-boşuna» öz mənafeyi üçün) üzündən
söz deməz. Onun dedikləri nazil olunmuş vəhydən başqa bir şey deyildir.
Dediklərini ona çox güclü (mələk) olan Cəbrayıl öyrətmişdir.» (Nəcm, 3-5)
Həzrət Məhəmmədin (s) gələcəkdən verdiyi xəbərlər də göz önündədir.
«Rum» surəsinə müraciət edən hər kəs bunun şahidi ola bilər.
«O məni izzətləndirəcəkdir, çünki mənim özümdən götürəcək və sizə
bildirəcəkdir.»

Şərh:
Əvvəldə qeyd etdiyimiz kimi, İslam peyğəmbəri (s) İsanı (ə) həqiqətən də,
izzətləndirdi. Onu təsdiq edərək mədh etdi. (Bu barədə İsa (ə) islam nəzərində»
bölməsinə müraciət edin.) Ona atılan böhtan və iftiraları rədd etdi. Və özündən
yeni bir din gətirmədiyini, Quranın isə İncil və Tövratda yazıların kamil bir
forması olduğunu söylədi. Belə ki, Quran həqiqi tövrat və incili təsdiqləyir,
onlardakı məlumatların təkamül və yekun zirvəsidir. Qurani-kərim buyurur:
«Uydurma bir hədis deyildir bu Quran! Əvvəldə göndərilmiş kitabların
təsdiqləyicisidir. Hər şeyin açıqlamasıdır. Doğru yolu göstərəndir. Rəhmət
verəndir insanlara.» (Yusuf, 111)
Eləcə də Yəhya incili, 14-cü fəs., 15-17-ci və 26-29-cu cümlələr də
Məhəmmədin (s) gəlişindən xəbər verir:
«Mən də, Atadan xahiş edəcəyəm ki, O daim sizinlə bərabər olmaq üçün
sizə başqa bir «təsəlliverici» versin»