Page 206 - Pure Life 02

İBRAHİMİ DİNLƏRDƏ PEYĞƏMBƏRLİK VƏ VƏHY/ 164

xiv. - İslam baxışında
İslam dininə əsasən, «peyğəmbərlik» iddiasında olan şəxsin, doğrudan da,
peyğəmbər olub-olmadığını anlamaq üçün çoxsaylı yollar vardır. Onların
biri də özünü «tanrı elçisi» adlandıran şəxsin barəsində, keçmiş ilahi
peyğəmbərlərin verdiyi xəbərdir. Yəni əgər İsa (ə) Məhəmmədin (s) barəsində
əvvəlcədən xəbər verirsə, onu adını və ya nişanələrini söyləyirsə, bu,
Məhəmmədin (s)həqiqətən peyğəmbər olduğuna bir dəlil-sübut sayılır.
Çünki hər xəta-səhvdən uzaq olan peyğəmbər İlahinin onlara bəxş etdiyi
qeyb-elmi vasitəsilə, birbaşa Allahın məmuriyyətinə əsasən bu xəbərləri
söyləyirlər. Əlbəttə belə xəbərlər daha çox şəriət sahibi və gəlişi olduqca
lazım olan, yüksək əhəmiyyət daşıyan peyğəmbərlər barəsində verilir.
İmam Əli (ə) buyurur: «Uca Tanrı yaratdıqlarına daim ya şəriət sahibi
bir peyğəmbər göndərmiş, yaxud kitab endirmiş ya da gərəkli bir höccət
tanıtmışdır... Bəzi peyğəmbərlər gəlib keçmiş və özündən sonra gələcək
peyğəmbərlərin adlarını bildirmişlər. Gələn peyğəmbərlərin bəzilərini ondan
1
əvvəlkilər tanıtmış, xəbər vermişdir.»
Beləliklə Tanrının sonuncu ilahi dini olan İslamı və kamil kitabı oan
Quranı gətirmiş axırıncı peyğəmbər Həzrət Məhəmmədin (s) gəlişi
barəsində də İncildə əvvəlcədən xəbər verilmişdir. Bütün islam alimləri və
eləcədə bu dinin ana mənbəyi olan Qurani-kərimə görə, Həzrət Məhəmməd (s)
barəsində istər Qədim-əhddə və istərsə də Yeni-əhddə çoxsaylı işarələr,
hətta, birbaşa xəbərlər də vardır. Qurani-kərimə əsasən, tövrat və incildə
ört-basdır edilmiş çoxsaylı həqiqətləri aşkara çıxarmaq üçün gəlmişdir:
«Ey əhli kitab! Tövrat və incildə gizlətdiyiniz bir çox həqiqətləri bəyan
etmək üçün Məhəmməd peyğəmbər, sizin üçün gəlmişdir.» (Maidə, 15)
Səff surəsi, 6-cı ayədə buyurulur: «Məryəm (ə) oğlu İsanın Bəni-İsrailə
söylədiklərini xatırla ki, buyurmuşdur: «Ey İsrail övladları, həqiqətən də,
Mən Allahın sizə göndərdiyi elçiyəm. Əlimdə olan tövratı təsdiqləyir və
məndən sonra gələcək adı Əhməd (Məhəmməd) olan peyğəmbəri sizə müjdə
verirəm.»

1. Nəhcül-bəlağə, xütbə 5.