Page 212 - Pure Life 02

İBRAHİMİ DİNLƏRDƏ PEYĞƏMBƏRLİK VƏ VƏHY/ 158

1- Peyğəmbərlərin ən əhəmiyyətli vəzifəsi Allahın göndərəcəyi
Xilaskarı (İsanın gəlişini və ona iman gətirməyin zəruriliyini)
1
insanlara xəbər vermək idi.
«Vəhy» nədir?
İslam, Yəhudi və Xristian dinlərinin əqidəsinə əsasən, Allah-taalanın
insanları yaratmaqdan məqsədi onların kamilliyə çatması və ilahi-əxlaqi
dəyərlərə yetişmələri olmuşdur. Və buna görə də Allah-taala bəndələrilə öz
arasında müxtəlif vasitələrlə əlaqə saxlamışdır. Bu mənəvi əlaqə və rabitələrin
hamısının kökü «vəhy» deyilən ilham qüvvəsinə qayıdır. Başqa dillə desək,
tanrının insanların haqqa yönəlmələri və vicdanlarının oyanması üçün onlara
2
mənəvi qüvvələr ilə ilham etməsinə «vəhy» deyilir. Bu tərif ümumi şəkildə
məsihiyyət və islam baxımından düzgün sayıla bilər. Lakin vəhyin həyatda
formalaşması və xaricdə baş vermiş həqiqətinə gəldikdə, bu dinlərin arasında
olan aşkar ixtilafları araşdırma bölümündə nəzərinizə çatdıracağıq.

Xristianlıqda «vəhy»
Vəhy xristianların məşhur əqidəsinə əsasən üç hissəyə bölünür:
2. Katoliklərin fikrincə, insan və təbiət, ümumiyyətlə yaranmışlar bir
3
növ Allahı tanıdan vəhydir.
3. Allahın səsini eşitmək, yaxud mələklərin xəbər gətirməsi, bəzən də
xəyallar və röyalar görməklə vəhy almaq. Vəhyin bu növü
Əhdi-ətiqdə olduğu üçün xristian dinində təsdiq edilmişdir.
4. Allahın (İsanın) insanların arasında təcəssüm tapması (maddiləşməsi)
ilahi vəhyidir. Onlar düşünürlər ki, ilahi vəhyi ən ali şəkildə Oğul
Allah olan İsada təcəlla etmişdir. Onun həyatı, sözləri, hərəkətləri və
4
fədakarlığı Tanrının insanlara xəbəridir. "Kəlam bəşər olub, lütf və
həqiqətlə dolu olaraq aramızda ssakin oldu. Biz də, Onun izzətini,
Atanın vahid Oğlunun izzətini gördük." (Yəhya, 1:14)

1. "İman Yolu", Yusif Miller, səh 49
2. «Vəhy» lüğətdə «işarə», «ilham», «sirr» və «yazmaq» mənasınadır
3. Corc Brentel, "Katolik məzhəbi", səh. 26-27
4. Yəhya, 7:16