Page 217 - Pure Life 02

153/ PURE LIFE, Vol.1.No.2, (Ramadan Mubarak 1436. Tir 1394. July. 2015)

Başqa bir bölümdə Allahın Yeremyanın sözlərinə qulaq asmağın və
onunla vəhy yolu ilə bağladığı əhdə sadiq qalmağın zəruriliyinə təkid edir.
1
Onun Allahın sözlərini söylədiyini deyir. Yəni Yeremya birbaşa Allahın
kəlamını eynilə xalqa çatdırır.
Əhdi-ətiqdə Allah Həzrət Musaya əmr edir ki, ilahi kəlamını (vəhyi)
2
yazsın. Həmin vəhylə də, Allah Musa və bütün İsraillə əhd kəsir. Əlbəttə,
bəzən Allahın söylədiyi vəhy, hazır yazı şəklində də peyğəmbərlərə təqdim
edilib: "Rəbb sizinlə bu alovun içərisindən danışdı. Siz Onun danışıq
səsini eşitdiniz, lakin bir surət görmədiniz. Yalnız bir səs var idi. O sizə
əhdini, yəni əməl etmənizi buyurduğu on əmri elan etdi. Bunları iki daş
3
lövhə üzərinə yazdı."
Əhdi-ətiqdə vəhyin alınma növləri
Əhdi-ətiq peyğəmbərlərin vəhyi bir neçə formada aldıqlarını söyləyir:
A) Vasitə olmadan, birbaşa Allahdan vəhy almaq. Tövrata görə Allah
başqa peyğəmbərlərdən fərqli olaraq yalnız Musa ilə onun gözünə
görünərək birbaşa danışır. "Qulum Musa isə elə deyil, O bütün
evimdə sadiqdir. Mən onunla müəmmalarla deyil, Üzbəüz açıq
4
danışaram və O, Rəbbin surətini görür."
Əhdi-ətiqdə birbaşa Allahdan vəhy qəbul etmək də iki şəkildə qeyd olunur:

1- Xəbər vermək
Əhdi-ətiqdə Allahın Şamueli onun gözünə görünmədən çağıraraq, ona
gələcəkdən xəbərlər verməsi də mövcuddur: "Rəbb gəlib orada durdu və
əvvəlki kimi «Şamuel! Şamuel!» deyə çağırdı. Şamuel dedi: «Danış, ya
Rəbb, qulun Səni eşidir». Rəbb dedi: «Bax İsraildə elə bir iş görəcəyəm ki,
5
eşidənin qulaqları cingildəyəcək."

1. Yeremya 11:2-3
2. Çıxış, 34:27
3. Qanunun təkrarı 4:13
4. Saylar 12:6
5. Şamuel (1), 3:10-11