Page 214 - Pure Life 02

İBRAHİMİ DİNLƏRDƏ PEYĞƏMBƏRLİK VƏ VƏHY/ 156

Amma unutmamalıyıq ki, xristianlar "peyğəmbərlik" dedikdə, özlərinə
xas məna və məfhumu nəzərdə almışlar. Buna görə də, yəhudilərlə bəzi
əsaslı fərqlərə malikdirlər. Ümumiyyətlə, xristianların peyğəmbərlik
haqqındakı fikirləri aşağıdakılardan ibarətdir:
1- Məsihilərin etiqadına əsasən, Allah kəlamını insanlara demək və
onları doğru yola yönəltmək üçün peyğəmbərlər göndərmişdir.
Amma bunun səbəbini yəhudilərdən tam fərqli izah edirlər. Onların
əqidəsinə əssasən, insanlar "günah" səbəbi ilə Allahın səsini
eşitmək istəməmiş, demək olar ki, "mənəvi karlıq"larına görə bunu
bacarmamışlar. Peyğəmbərlərin göndərilmə zərurəti məhz buna
görə yaranmışdır. Gələn bəhslərimizdə "günah" və "mənəvi karlıq"
haqqında ətraflı məlumat veriləcəkdir.
2- Xristianlıqda "peyğəmbərlik" məfhumu geniş mənada qəbul edilir.
Buna görə də, peyğəmbərlər fərqli xüsusiyyətlərə malik olan
şəxslər deyildir. Xristianlığa görə, Allah bəzi insanlarla danışmış
və onlardan kəlamlarını başqa insanlara çatdırmasını tələb etmişdir.
Beləliklə, onlar Allahın peyğəmbərləri olmuşlar. Bunların arasında
əvvəllər olduqca çirkin və pis işlərlə məşğul olmuş insanlar, hətta
günahsız insanları qətlə yetirən şəxslər də yer alır. Bəzən də
peyğəmbərlər bu günahlara peyğəmbərlik dövründə də əl atır,
amma tövbə edirlər. Tövbə etmiş kişi və qadın peyğəmbərlər iman
etdikləri üçün qurtulduqlarına görə Allah tərəfindən bağışlamışdır.
Bir sözlə, peyğəmbərlər heç də günahsız olmamışlar.
3- Çoxsaylı məsihi qruplarının fikrincə, qadınlar da peyğəmbər ola
bilər. Buna nümunə olaraq, bir çox qrupların Musanın bacısı
1
Məryəmi peyğəmbər saydıqlarını qeyd etmək mümkündür.
4- Bir çox xristianların əqidəsinə əsasən, Allahın dostu və iman
gətirənlərin atası sayılan İbrahimi Allah bir çox xalqların atası
seçmişdir. Bütün peyğəmbərlər İbrahimin və onun oğlu İshaqın
2
nəslindəndir.

1. "İman Yolu", Yusif Miller, səh. 44
2. "İman Yolu", Yusif Miller, səh 45